BAKI, 21 iyun. TELEQRAF

Milli Məclisin növbədənkənar iclasının vaxtı və gündəliyi açıqlanıb.

Teleqraf xəbər verir ki, iyunun 24-də keçiriləcək iclasın gündəliyinə 12 məsələ daxil edilib.

Həmin məsələlər aşağıdakılardır:

1. “İstilik təchizatı haqqında” qanun layihəsi (üçüncü oxunuş).

2. “İcra məmurları haqqında”, “İcra haqqında” və “Ədliyyə orqanlarında qulluq keçmə haqqında” qanunlara dəyişiklik layihəsi (üçüncü oxunuş).

3. Vergi Məcəlləsində, “Bələdiyyələrin statusu haqqında”, “Bələdiyyələrin maliyyəsinin əsasları haqqında”, “Bələdiyyə torpaqlarının idarə edilməsi haqqında”, “Yerli (bələdiyyə) vergilər və ödənişlər haqqında” və “Bələdiyyələrin vergi xidməti orqanı haqqında Əsasnamənin təsdiq edilməsi barədə” qanunlara dəyişiklik edilməsi haqqında qanununun layihəsi (üçüncü oxunuş).

4. İnzibati Xətalar Məcəlləsində dəyişiklik edilməsi haqqında qanununun layihəsi (üçüncü oxunuş).

5. “Azərbaycan Respublikası ilə Çin Xalq Respublikası arasında cinayət işləri üzrə qarşılıqlı hüquqi yardım haqqında Müqavilə”nin təsdiq edilməsi barədə qanununun layihəsi.

6. Gömrük Məcəlləsində dəyişiklik edilməsi haqqında qanununun layihəsi (birinci oxunuş).

7. “Təhsil haqqında” və “Məktəbəqədər təhsil haqqında” qanunlarda dəyişiklik edilməsi barədə qanununun layihəsi (birinci oxunuş).

8. Torpaq Məcəlləsində, Mülki Məcəlləsində, Mənzil Məcəlləsində, Şəhərsalma və Tikinti Məcəlləsində, “Bələdiyyə torpaqlarının idarə edilməsi haqqında”, “Bələdiyyə torpaqlarının ayrılmasına dair sənədlərin hazırlanması və razılaşdırılması qaydaları haqqında Əsasnamənin təsdiq edilməsi barədə” və “Daşınmaz əmlakın dövlət reyestri haqqında” qanunlarda dəyişiklik edilməsi barədə qanununun layihəsi (birinci oxunuş).

9. “Qeyri-hökumət təşkilatları (ictimai birliklər və fondlar) haqqında” və “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunlarda dəyişiklik edilməsi barədə qanununun layihəsi (birinci oxunuş)

10. Mülki Prosessual Məcəllədə, Cinayət-Prosessual Məcəlləsində və İnzibati Xətalar Məcəlləsində dəyişiklik edilməsi haqqında qanunun layihəsi (birinci oxunuş).

11. “Büdcə sistemi haqqında” Qanununda dəyişiklik edilməsi barədə qanununun layihəsi (birinci oxunuş).

12. “Dövlət borcu haqqında” Qanununda dəyişiklik edilməsi barədə qanununun layihəsi (birinci oxunuş).