BAKI, 24 aprel. TELEQRAF

Bu ilin yanvar-mart ayları ərzində kənd təsərrüfatı məhsullarının ümumi istehsal həcmi ötən ilin müvafiq dövrü ilə müqayisədə 1,9% artıb.

Kənd Təsərrüfatı Nazirliyindən Teleqraf- a verilən məlumata görə ümumi istehsal həcminin artımında əsas pay heyvandarlıq sahəsinin payına düşüb.

Kənd təsərrüfatı məhsullarının ümumi istehsal həcminin dəyəri faktiki qiymətlərlə 1601.6 milyon manat təşkil edib ki, bunun da 94,3 faizi (1510.1 milyon manat) heyvandarlıq sahəsinin, 5,7 faizi (91.5 milyon manat) bitkiçilik sahəsinin payına düşüb.