BAKI, 4 sentyabr. TELEQRAF

Fövqəladə Hallar Nazirliyinin "112" qaynar xəttinə Cənubi Muğan kanalının Biləsuvar rayonunun Nərimankənd kəndindən keçən hissəsində 1 nəfərin batması barədə məlumat daxil olub.

Bu barədə Teleqraf-a qurumun mətbuat xidmətindən bildirilib.

Məlumatla əlaqədar Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.

Həyata keçirilən tədbirlər nəticəsində batan şəxsin meyiti sudan çıxarılaraq aidiyyəti üzrə təhvil verilib.

***

09:03

Biləsuvarda yeniyetmə çaya yıxılaraq boğulub.

Teleqraf-ın məlumatına görə, Biləsuvar rayonunun Nərimankənd kəndində bədbəxt hadisə baş verib.

Kənd sakini, 2008-ci il təvəllüdlü Quluzadə İqbal İlqar oğlu axşam saatlarında körpüdən keçərkən kanala yıxılıb.

Hadisə nəticəsində o, suda boğulub.

Meyit aidiyyəti üzrə təhvil verilib. Faktla bağlı araşdırma aparılır.