BAKI, 8 dekabr. TELEQRAF

Azərbaycanlı FIFA referisi Kamal Umudlu UEFA-dan növbəti təyinatını alıb.

Teleqraf xəbər verir ki, 30 yaşlı ədalət qoruyucusu UEFA Gənclər Liqasının VI turu çərçivəsində keçiriləcək "Atalanta" (İtaliya) - "Çelsi" (İngiltərə) matçının baş hakimi olacaq.

Ona Namik Hüseynovla Vüsal Məmmədov köməklik göstərəcək.

Qeyd edək ki, oyun dekabrın 9-da, "Centro Sportivo Bortolotti"da keçiriləcək.