BAKI, 23 noyabr. TELEQRAF

Nigeriyanın qərbində yerləşən Müqəddəs Məryəm katolik məktəbindən terrorçular tərəfindən aparılan şagirdlərdən bir qismi qaçaraq xilas ola bilib.

Teleqraf xəbər verir ki, bu barədə "France-Presse" ölkənin Xristian Assosiasiyasına istinadən məlumat yayıb.

Məlumata görə, 50 şagird qaçaraq valideynlərinə qovuşub.

Bildirilir ki, noyabrın 20-dən 21-nə keçən gecə silahlı cinayətkarlar Niger ştatında yerləşən məktəbə hücum edərək 300 şagird və 12 müəllimi əsir götürüb.