BAKI, 16 oktyabr. TELEQRAF
ABŞ-də başqa bir dövlət F5 texnologiya şirkətinin məhsulları vasitəsilə federal şəbəkələrə daxil olub.
Teleqraf xəbər verir ki, bu barədə ABŞ Kiber Təhlükəsizlik Agentliyi (CISA) məlumat yayıb.
Agentliyin açıqlamasına görə, xarici tərəf F5 sistemlərini, BIG-IP proqramının mənbə kodunun parçalarını və zəifliklərlə bağlı məlumatları ələ keçirib. Bu, ona F5 cihaz və proqram təminatından istifadə edən şəbəkələr üzərində texniki üstünlük qazandırır və federal şəbəkələr üçün birbaşa təhlükə yaradır.
CISA federal xidmət işçilərinə F5 məhsullarından istifadə etdikləri sistemləri ən son proqram təminatı ilə yeniləməyi tövsiyə edib.
