BAKI, 2 aprel. TELEQRAF

Ukraynada hərbi vəziyyətin may ayının əvvəlində sona çatması və bu zaman seçkilərin keçirilməsi məsələsi hələlik müzakirə edilmir.

Teleqraf xəbər verir ki, bu barədə Ukrayna Prezidenti Volodimir Zelenski ofisinin müşaviri Mixail Podolyak məlumat verib.

Podolyak bildirib ki, ABŞ-nin sülh prosesi ilə bağlı səyləri hələ heç bir nəticə verməyib.

"Seçkilərə hazırlıq aparılmır. Mayın 8-i və ya 9-da hərbi vəziyyətin ləğv ediləcəyini və altı aydan sonra seçkilərin keçiriləcəyini söyləmək çətindir", - o qeyd edib.

Xatırladaq ki, Ukraynada hərbi vəziyyət və ümumi səfərbərlik 2022-ci ilin fevralında elan edilib və bir neçə dəfə uzadılıb.