BAKI, 2 aprel. TELEQRAF

Rusiya Prezidenti Vladimir Putinə etibar etmək olmaz, o, ancaq gücü başa düşür.

Teleqraf xəbər verir ki, bunu ABŞ Mərkəzi Kəşfiyyat İdarəsi (MKİ) və Pentaqonun keçmiş rəhbəri Leon Panetta deyib.

Onun sözlərinə görə, ABŞ Prezidenti Donald Tramp Putinlə dost olmağa yox, NATO-nun güclənməsinə çalışmalıdır.

Panetta müdafiə naziri və MKİ-nin direktoru olarkən Putinlə bağlı kəşfiyyat məlumatlarını gördüyünü bildirib:

“Nəticə odur ki, Putinə heç vaxt etibar etmək olmaz, ona heç vaxt etibar edilməyib. Putinin əsas məqsədi ABŞ-ni və bütün dünyada demokratiyaları sarsıtmaqdır. O, “zəhmət olmasa” deyə cavab verəcək adam deyil. Putinin həqiqətən anladığı yeganə şey gücdür. Prezident Tramp bunu Putinlə məşğul olmaq məcburiyyətində qalan hər bir prezident kimi anlayacaq”.