BAKI, 2 aprel. TELEQRAF

ABŞ Prezidenti Donald Trampın administrasiyası qeyri-qanuni yollarla Şərqi Avropa ölkələrinə, o cümlədən Moldova və Kosovaya ABŞ-dən deportasiya ediləcək qeyri-qanuni miqrantları qəbul etməyi təklif edib.

Teleqraf xəbər verir ki, bu barədə The “Wall Street Journal” (WSJ) qəzeti mənbələrə istinadən məlumat yayıb.

Mənbələrin sözlərinə görə, Vaşinqton Benin, Ruanda, Liviya və Esvatini kimi dörd Afrika ölkəsi və Monqolustanla da danışıqlar aparır. Bu ölkələrlə ABŞ qeyri-qanuni miqrantları deportasiya etmək barədə müqavilə bağlamaq istəyir.

ABŞ administrasiyası, bu ölkələrə maliyyə dəstəyi və siyasi üstünlüklər təklif edir. Bu imtiyazlar müqabilində, bu ölkələr ABŞ-dən deportasiya edilən miqrantları qəbul etməyə razı olmalıdır.

Lakin söhbət yalnız öz vətəndaşlarını geri qəbul etməyən və ya bu prosesi ləngidən ölkələrdən olan miqrantlardan gedir.

Qeyd edək ki, Trampın andiçmə mərasimindən sonra isə ABŞ-dən 100 mindən çox qeyri-qanuni miqrant deportasiya edilib.