Almaniya kansleri Olaf Şolts yaxın vaxtlarda Rusiya prezidenti Vladimir Putinlə telefon danışığı aparmağı planlaşdırır.

Teleqraf.com-un xəbərinə görə, Almaniya kansleri bu barədə Nürnberqdə keçirilən Protestant Kilsəsinin 38-ci Konqresində məlumat verib.

Şolts və Putin arasında sonuncu dəfə telefon danışıqları ötən ilin dekabrında baş tutub.

Kremlin sözçüsü Dmitri Peskov Olaf Şoltsun açıqlamasına münasibət bildirib. O, Vladimir Putinin Almaniya kansleri ilə telefon danışığına hazırlaşmadığını deyib.