BAKI, 4 sentyabr. TELEQRAF

Ukrayna Müdafiə Nazirliyinin Baş Kəşfiyyat İdarəsinin “Group 13” xüsusi təyinatlı bölməsi işğal edilmiş Krım yarımadasında Rusiya ordusunun “Bastion” kompleksini vurub.

Teleqraf xəbər verir ki, bu barədə Baş Kəşfiyyat İdarəsi məlumat yayıb.

Bildirilib ki, “Group 13” əməliyyat zamanı Rusiya ordusunun “Sirkon” və “Oniks” raketlərinin daşıyıcısı olan “Bastion” kompleksini uğurla məhv edib.

Bundan əlavə, xüsusi təyinatlı bölmı yarımadada Rusiyaya məxsus iki yanacaq tankerini və bir komanda-qərargah maşınını vurub.