BAKI, 1 iyun. TELEQRAF
İspaniya Baş naziri Pedro Sançes korrupsiya qalmaqallarına baxmayaraq, 2027-ci ildə keçiriləcək parlament seçkilərinə qədər vəzifəsində qalacağını bildirib.
Teleqraf xəbər verir ki, Əndəlüs bölgəsində tərəfdarları qarşısında çıxışında danışıb.
“Sosializm büdrəyə bilər, amma biz heç vaxt mübarizədən əl çəkməyəcəyik”, - o deyib.
İspaniya lideri seçicilərin hakim koalisiyanın sosial-iqtisadi siyasətinin təsirini hiss etmələri üçün daha çox vaxta ehtiyacı olduğu fikrində israr edərək, məhkəmə araşdırmalarının hökumətə təzyiqi fonunda növbədənkənar seçkilər çağırışlarını da rədd edib.
Pedro Sançesin partiyası (PSOE) korrupsiya qalmaqallarına, o cümlədən əsas müttəfiqləri və ailə üzvləri ilə bağlı müxtəlif araşdırmalara məruz qalıb.
Sosialist Partiyasının digər aparıcı siyasətçisi, keçmiş baş nazir Xose Luis Rodriqes Sapatero da korrupsiya və əlaqəli cinayətlərdə şübhəli bilinir.
İspaniya hüquq-mühafizə orqanları iki illik araşdırmadan sonra Pedro Sançesin həyat yoldaşı Beqona Qomesi korrupsiyada ittiham ediblər.
