BAKI, 9 iyun. TELEQRAF

Estoniya Prezidenti Alar Karis ABŞ Prezidenti Donald Trampın rəhbərliyi altında Ukraynanın NATO-ya üzvlük perspektivini dəyərləndirib.

Teleqraf xəbər verir ki, Kari Litvanın LRT portalına verdiyi müsahibədə Trampın Ukraynanın alyansa üzvlüyünə qarşı çıxacağı ehtimalı fonunda, bu prosesin mümkünsüz olub-olmayacağına dair sualı cavablandırıb.

Estoniya lideri bu kontekstdə keçmişə istinad edərək bildirib:

“Sadəcə xatırlatmaq istəyirəm ki, biz Estoniyada Rusiya qoşunları hələ bizim ərazimizdə olarkən NATO-ya daxil olmaq məsələsini müzakirə etməyə başladıq".

Bu açıqlama ilə Karis Ukraynanın NATO-ya üzvlüyü istiqamətində irəliləməsinin mövcud geosiyasi reallıqlardan asılı olmayaraq mümkünsüz olmadığını vurğulayıb.