BAKI, 2 aprel. TELEQRAF

Türkiyənin müxalif Cümhuriyyət Xalq Partiyasının (CHP) keçmiş sədri Kamal Kılıçdaroğlu partiyanın aprelin 6-da keçiriləcək növbədənkənar qurultayına namizəd kimi qatıla bilər.

Teleqraf xəbər verir ki, bu barədə Türkiyə mətbuatı məlumat yayıb.

“CHP-nin keçmiş sədri Kamal Kılıçdaroğlunun yenidən namizəd olub-olmayacağı ilə bağlı müzakirələr gedərkən, qurultaya bir neçə gün qalmış diqqətçəkən bir gəlişmə baş verib. Kılıçdaroğlunun CHP sədrliyinə namizəd olması üçün partiya nümayəndələrindən imzaların toplandığı məlum olub”, - məlumatda deyilir.