BAKI, 14 aprel. TELEQRAF

Qırğızıstan hakimiyyəti 2027-ci ilin sonuna qədər ölkə qalan rusdilli kənd adlarını dəyişdirməyi planlaşdırır.

Teleqraf xəbər verir ki, bu barədə Qırğızıstan Prezidenti Sadir Japarov Oş vilayətinin Alay rayonunun sakinləri ilə görüşündə bildirib.

“Bu işi gələn il başa çatdırmağı planlaşdırırıq”, - o deyib.

Japarovun sözlərinə görə, o, Qırğızıstanda yaşayış məntəqələrinə tarixi şəxsiyyətlərin adlarının verilməsinə də qarşıdır.

Sadır Japarovun 2021-ci ildə prezident seçilməsindən bəri ölkədə 15-dən çox yaşayış məntəqəsinin rusdilli adları rəsmi olaraq dəyişdirilib.