|
Elxan Mehdiyev
20 ildən artıqdır ki. hakimiyyət Azərbaycan xalqını xoş güzaran vədləri ilə günü-gündən dərinləşən sosial böhrana sürükləyir. Kütləvi işsizlik, sosial problemlərin səbəb olduğu boşanmalar və intihar hadisələri Azərbaycan hakimiyyətinin uğursuz iqtisadi siyasətinin nəticəsidir. Bundan başqa, Azərbaycan Respublikasında kənd təsərrüfatının inkişafı ilə bağlı əlavə tədbirlər haqqında Azərbaycan Respublikası Prezidentinin Sərəncamı məmurlar tərəfindən həyata keçirilmir. Torpaqlar kənd sakinlərində müxtəlif vasitələrlə alınaraq məmurların nəzarətinə keçir. Bütün bunların nəticəsində kəndli öz kənd həyatından heç bir yaşayış ümidi olmadığı üçün şəhərlərə köçərək, ağır şərtlər altında yaşamağa məcbur olur.
Dövlətin iqtisadi islahatlar paketi həyata keçirilməyərək, adi bir kağız parçası halına gətirilir. Nəticədə 2012-2016-cı illərdə ölkədə kənd təsərrüfatı sahəsində çalışanların sayı 100 min nəfərədək azalıb. Faiz etibarilə bu, 22.7% azalma deməkdir. Həmin rəqəmləri xüsusilə maraqlı edən onların eyni dövrdə kənd təsərrüfatı sahəsində artım fonunda göstərilməsidir. Milli Statistika Xidmətinin məlumatına görə, 2012-2016-cı illərdə ölkə iqtisadiyyatında orta illik artım 3.5%-dirsə, kənd təsərrüfatı sahəsində bu göstərici gözəçarpan dərəcədə yüksək - 6.3% olub.
Başqa sözlə, hər il artımın müşahidə olunduğu sahə öz işçi qüvvəsinin az qala dörddə birini itirib.
Dövlətin başında duranlar isə bütün bunları görməzdən gələrək, boş iqtisadi inkşaf nağıllarını danışmaqda davam edirlər.
Dövlət məmur insiharlarından əl çəkərək, kəndlinin inkşavına çalışmayacağı təqdirdə, Azərbaycan kənd təsərrüfatı sahəsində tamamilə xaricdən aslı olacaq və bu da dövlətimizin inkşafını daha da ağır bir duruma salacaqdır.