Avropa Evi MMC” konsaltinq şirkətindənTeleqraf.az-a daxil olan press-relizdə deyilir:

 Azərbaycan dövləti tərəfindən cənab Prezident İlham Əliyevin rəhbərliyi ilə ardıcıl və düşünülmüş həyata keçirilən islahatlar ölkəmizin iqtisadiyyatının güclənməsinə, bunun məntiqi nəticəsi olaraq xalqın rifahının yüksəlməsinə və xarici siyasətimizdə uğurlarmızın artmasına səbəb olmuşdur. Azərbaycanın BMT Təhlükəsizlik Şurasına üzvlüyü, Avropa Şurasının Nazirlər Komitəsinə sədrliyi, beynəlxalq tədbirlərə ev sahibliyi etməsi və sair son illər ölkəmizin qısa müddətdə hansı mötəbər səviyyəyə qalxdığını sübut edir. Dövlət başçısının qeyd etdiyi kimi “Azərbaycan çox etibarlı tərəfdaşdır və regionda heç bir layihə bizim iştirakımız olmadan həyata keçirilmir”. Artıq birmənalı olaraq inkişafın Azərbaycan modeli hər bir dövlət tərəfindən qəbul edilməklə yanaşı, əksər ölkələrin bu təcrübədən faydalanmasını gündəmə gətirmişdir.

Bütün bu uğurlar ölkə rəhbərliyinin məqsədyönlü fəaliyyəti nəticəzində mümükün olmuşdur. Təbii ki, bizim də üzərimizə bir vətəndaş olaraq dövlətin apardığı siyasətə maksimum dərəcədə dəstək vermək məsuliyyəti düşür. “Avropa Evi MMC” konsaltinq şirkəti müasir dövrdə əsas həlledici gücün informasiya siyasəti olduğunu nəzərə alaraq dünya ölkələrinin mediasında ölkə rəhbəri İlham Əliyevin həyata keçirdiyi islahatlar, Dağlıq Qarabağ problemi, Azərbaycanın ictimai, iqtisadi, elmi, mədəni, turizm və digər sahələrdə əldə etdiyi uğurlar haqqında məqalələr nəşr etdirərək dövlətimizə dəstək olmağa çalışır.

Vətənimizin daha yaxşı tanıdılması, təbliğatı işində yaxından iştirak etmək istəyən hər kəs yuxarıda qeyd olunan mövzularla bağlı məqalə hazırlayaraq, onu bizim köməkliyimiz vasitəsilə Almaniya, Niderland, Polşa, Macarıstan, İspaniya, Rumıniya və digər ölkələrin kütləvi informasiya vasitələrində nəşr etdirə bilər.

Bu işi görməkdə əsas məqsədimiz ölkəmiz haqqında düzgün informasiyanın intensiv və daha geniş məkanlarda yayılmasına nail olmaqdır. Çünki son vaxtlar ölkəmizin buna daha çox ehtiyacı var.    

Hörmətlə,

Ruslan Sadıqov

İcraçı direktor