Türkiyədə  15 iyul  çevriliş cəhdində iştirak edən  polkovnik Tanju Poshorun Kosovodakı otağında aparılan axtarış zamanı  əllə yazılmış  dua üzə çıxıb.

Avropa.info xəbər verir ki, prezident  qvardiyasında  alay  komandiri  olan və çevriliş cəhdində iştirak edən  Tanju Poshorun  Kosovodakı otağında  "Tayyib və ergenekonçular  ölsün, amin" yazılmış dua çıxıb.

Məlumatlara görə, Poshorun otağından çıxan və əl yazısı ilə vərəqin üzərinə yazılmış duada bəzi çevrilişçi zabitlərin adları da yazılıb. Bundan başqa "Tayyib və ergenekonçular ölsün, amin" yazılmış sözlərdən sonra xətt çəkilib və xəttin altında bir məzarlıq işarəsi qoyulub.

Qeyd edək ki, keçmiş polkovnik Poshor çevriliş vaxtı xidmət etdiyi  Kosovadan Ankaraya gəlib və TRT binasına basqında mühüm rol oynayıb.

Çevriliş cəhdinin qarşısı alındıqdan sonra, Ankara prokurorluğu  Kosovodakı Sülhməramlı Qüvvə Qərargahında  axtarış aparılması üçün Xarici İşlər Nazirliyi vasitəsilə NATO-ya müraciət edib. Otağında axtarış aparılan Poshorun məlumat-sənəd və kompüter məlumatları əldə edilərək XİN vasitəsi ilə  prokurorluğa çatdırılıb.