KXCP  Bakının işğaldan azad edilməsinin 98-ci ildönümü  ilə bağlı tədbirlərə hazırlaşır.

Klassik Xalq Cəbhəsi Partiyasının  İdarə Heyətinin  yığıncağı keçirilmişdir. Yığıncaqda qərarların icra vəziyyəti, ictimai – siyasi vəziyyət, qarşıda duran vəzifələr və cari məsələlər   müzakirə olunmuş,   müvafiq qərarlar qəbul edilmişdir.

İdarə Heyətinin yığıncağında 15 sentyabr Bakının düşmənlərdən azad edilməsinin  98-ci ildönümü ilə bağlı  Şəhidlər Xiyabanında  Türk şəhidliyini, Atatürkün abidəsini, Acıdərədə Qafqaz İslam Ordusunun zabiti  Qədir Əfəndinin məzarını  ziyarət etmək haqqında  qərar qəbul edilib.

07 sentyabr 2016-cı il saat 17:30-da Bakı və ərazisi işğal olunmuş  rayon - şəhər şöbə rəhbərlərinin genişləndirilmiş  müşavirəsinin  keçirilməsi ilə bağlı qərar qəbul edilib. Müşavirənin gündəliyində - 26 sentyabr Referendiumunun boykot edilməsinin kütləviliyini təmin etmək  məsələlərinin müzakirəsi  nəzərdə tutulub.

KXCP İdarə Heyəti Qurban Bayramı münasibəti ilə Dünya Müsəlmanlarını təbrik etmək haqqında qərar qəbul edib.