Qarabağ Azadlıq Təşkilatının nümayəndə heyəti Qarabağ həqiqətlərinin təbliği, xarici QHT- lərlə bu istiqamətdə əməkdaşlıq layihəsi çərçivəsində Gürcüstana səfərə yola düşüb.

Teleqraf.az-ın verdiyi xəbərə görə, nümayəndə heyətinə QAT sədrinin müavinləri Fəridə Əsgərova, İlqar Əliyev, mətbuat xidmətinin rəhbəri Əzizə Muradova, Qarabağ müharibəsinə dair məlumat xarakterli “ Yaddaş” filminin rejissoru Elxan Xanəlizadə, “ Yeni Müsavat” qəzetinin əməkdaşı Elşad Paşa daxildir. Səfər zamanı Gürcüstanın Tiflis, Marneuli, Dmanis və digər yerlərində QHT- lərlə birgə tədbirlərin keçirilməsi, Qarabağ həqiqətlərinə dair ingilis, rus, Azərbaycan və gürcü dillərində kitabların paylanması, “ Yaddaş” filminin nümayiş etdirilməsi nəzərdə tutulub.

Səfər Azərbaycan Respublikasının Prezidenti yanında QHT- lərə Dəstək Şurasının dəstək verdiyi layihə çərçivəsində həyata keçirilir.