Hüquqi dövlətin yaranmasının zəruri başlanğıcı-xalq tərəfindən hakimiyyətin formalaşması üçün azad və ədalətli seçkilərin keçirilməsi şansı növbəti dəfə aradan qaldırılır.

Hakimiyyət mövcud olduğu dövrlərdəki ənənələrinə qoruyaraq seçkilərə münasibətini dəyişə bilmir. Dairə Seçki Komisiyaları yerl icra hakimiyyətlərinin, hüquq inzibati orqanların, mafioz qrupların təsir və təzyiqlərindən qurtula bilir, seçkilər ilkin mərhələdən qanun pozuntuları şəraitində başlayır və yəqin ki, axıra kimi belə davam edəcək.

Artıq Milli Məclisə seçkilərin ilk mərhələsi – namizədlərin verilməsi başa çatmaq üzrədir. Hakimiyyət orqanları ənənəvi üsullardan əl çəkimir, ölkədə nəinki seçkiqabağı demokratik mühüt yaradılmır, əksinə seçkinin əlamətlərini görmək mümkün deyil, əksinə:

-Dairə Seçki Komissiyaları namizədliklə bağlı sənədləri müxtəlif bəhanələrlə götürmür,

-Namizədlərə icra hakimiyyəti, hüquq-mühavizə orqanları tərəfindən təzyiqlər edilir; onların ailə üzvlərini, yaxın adamlarını işdən çıxarmaqla hədələyir, müxtəlif təzyiqlər edirlər;

-Namizədlərə imza verən vətəndaşları qorxuzaraq imzalarından imtina etməyə məcbur edirlər,

-Hakimiyyət orqanları, seçki komissiyaları müxtəlif üsullarala namizədləri seçkilərdə iştirakdan çəkindirirlər,

-“AZADLIQ-2015” Blokunun səlahiyyətli nümayəndəsi oğurlanaraq gizlədilir,

-Banklarda namizədlərin xüsusi seçki açmasına maneçilik göstərilir,

-Büdcə təşkilatlarında işləyən vətəndaşların şəxsiyyət vəsiqələri yığılır, idarələrdə və YAP-ın yerli təşkilatlarında imzalar toplanılır.

54 saylı Şabran-Siyəzən dairəsində icra hakimiyyəti orqanları “AZADLIQ-2015” seçki blokunun namizədi Həbibulla Cavadovun birbaşa ailə üzvlərinə təzyiqlər göstərilir, qardaşları işdən çıxarılır.

66 saylı Biləsuvar seçki dairəsində- “AZADLIQ-2015” seçki blokunun səlahiyyətli nümayəndəsini oğurlanaraq namizədin sənədlərinin DSK-ya təqdim edilməsinə maneçilik törədilir.

107 saylı Qazax seçki dairəsində Qazax şəhərində, Qaymaqlı və digər kəndlərdə “AZADLIQ-2015” seçki blokunun namizədinə imza verənlərə imzalarından imtina etməsi ilə bağlı təzyiqlər göstərilir, hətta Sınıq körpü sərhəd keçid məntəqəsinin bəzi gömrük işçilərinin seçki ilə bağlı təzyiq kompaniyasına qoşulduqları faktları mövcuddur.

27 saylı Sabubçu ikinci seçki dairəsinin Dairə Seçki Komissiyasının sədri gizlənib, seçki sənədlərini komissiyaya vermək və vaxtında qanunauyğun sənədləri almaq mümkün olmayıb.

Belə hadisələr, qanunsuzluqlar, süründürməçilik bir çox Dairə Seçki Komissiyalarında baş verir. Hakimiyyət orqanları seçki saxtakarlıqlarını həyata keçirmək üçün hər cür vasitələrdən istifadə etməsi, təkcə siyasi rəqiblərinə qarşı deyil, vətəndaşlara, qeyri-hökümət təşkilatlarına, azad mediaya- bütövlükdə Vətəndaş Cəmiyyətinin qarşı artan təzyiqlər, hətta beynəlxalq təşkilatlar tərəfindən seçkiləri müşahidə edilməsinə imkan verilməməsi çox təhlükəli tendesiylardan xəbər verir.

Bütövlükdə hakimiyyət dairələri anlamaq istəmirlər ki, hakimiyyətin qanuni, demokratik yolla formalaşması və dəyişdirilməsinin yeganə mexanizmi olan seçkilərin saxtalaşdırılması cəmiyyətin seçkilərə inamını tamamilə sarsıdır. Artıq cəmiyyətdə baykot çağırışları eşidilir, haqlı olaraq beynəlxalq təşkilatların, bütövlükdə mütərəqqi dünyanın tənqid hədəfinə çevrilən Azərbaycanın dövlət imicinə ciddi zərər dəyir.

“AZADLIQ-2015” siyasi partiyalar bloku hakimiyyət orqanlarını seçkinin başlanğıc mərhələsində baş verən qanunsuzluqlara, özbaşnalığa son qoymağa və azad, şəffaf, ədalətli seçkilərin keçirilməsi üçün zəruri şəraitin yaradılmasına çağırır.