“Azərbaycan Xalq Cəbhəsi Partiyasının Rəyasət heyətinin üzvü Sahib Kərimlinin partiyann sədrinə qarşı çıxdığı barədə təsəvvürlər yalnışdır. Bu, elə Əli Kərimli tərəfindən hazırlanmış xüsusi oyundur”.

Bunu “AZƏRFAKS”a AXCP-dəki adının çəkilməsini istməyən mənbə deyib. Onun sözlərinə görə, AXCP Etimad Qurultayı üzrə Təşkilat Komitəsinin sədri Razi Nurullayevin fəaliyyəti ölkə gündəmini məşğul etdiyindən və bu fəaliyyətin nəticəsində AXCP barədə mənfi rəylərin artması ortaya yeni mövzunun atılmasını zəruri edib: “Cəmiyyətdə artıq belə bir fikir forlamalaşır ki, AXCP növbəti dəfə parçalanır və əksəriyyət yenilik tərəfdarı olan Razi Nurullayevin arxasınca gedir. Rayonlarda konfransların keçirildiyinə dair xəbərlərin bir-birini əvəz etməsi isə insanlarda AXCP barədə qəti qənaətin formalaşmasına səbəb olur. Odur ki, AXCP rəhbərliyi bütün bunlardan narahat olaraq Sahib Kərimli projesini gündəmə gətirməyə qərar verib”.

Mənbə iddia edir ki, S.Kərimlinin sosial şəbəklərdə paylaşdığı fikirlərin hamısı partiya rəhbərliyi ilə razılaşdırılır: “Diqqət edin, Razi Nurullayev hansı arqumentlərlə çıxış edirsə, Sahib Kərimli həmin arqumentlərin əksini sübut etməyə çalışır. Yəni baxın, sədrin yaxın adamlarından biri kimi tanınan şəxs də rəhbərliyi sərt tənqid edə bilir və hətta onun yerinə iddiasını ortaya qoymaqdan çəkinmir. Burada Sahib Kərimlinin partiya sədrinə qarşı çıxmasından qətiyyən söhbət gedə bilməz. Bu sadəcə Razi Nurullayevi gündəmdən salmağa və güya partiya daxilində yeni bir islahatçı ortaya çıxdığına dair təsəvvür yaratmağa yönəlmiş əməliyyatdır. Qarşıdakı qurultayda Sahib Kərimli namizəd olacaq və getdikcə daha sərt açıqlamalarla çıxış edəcək. Hətta xüsusi adamlara tapşırılırb ki, Sahib Kərimlini sosial şəbəklərdə satqın kimi qələmə verib onun yazdıqlarına sərt şəkildə rəy bildirsinlər. Bununla hər şeyin həqiqi olduğu görüntüsü yaratmağa çalışırlar. Əslində isə bu prosesin arxasında elə partiya rəhbərliyi dayanır. Demək istəyirlər ki, Razi Nurullayevin ittihamları əsassızdır, partiya daxilində hər kəsin söz demək, iddia ortaya qoymaq imkanı var ”.