25 aprel 2015- ci il tarixində “Azadlıq 2015” seçki blokunun Sədrlər Şurasının iclası olub. İclasda KXCP, Azadlıq, Aydınlar, VİP,BAP, ALDP, AzDP, AXP sədrləri iştirak edib.

Toplantıda 18 mart tarixli əfv fərmanı müzakirə olunub. Bu əfv fərmanının Azərbaycanda siyasi məhbus probleminin həlli  ilə əlaqədar  ölkə və beynəlxalq ictimaiyyətin gözləntilərini doğrultmadığından təəssüf hissi bildirilib və bu sahədəki  mövcud vəziyyətin davam etməsindən  narahatlıq  ifadə edilib.  Yaranmış siyasi situasiyanın müzakirəsi  və aktual problemlər üzrə mesajlar verilməsi məqsədilə  aprelin əvvəlində “Dəyişən dünya və Azərbaycan: mövcud durum və perspektivlər” mövzusunda Dəyirmi Masa keçirilməsi qərara alınıb.   Dəyirmi  Masaya Azərbaycanda fəaliyyət göstərən siyasi partiyaların, ekspertlərin, vətəndaş cəmiyyəti təşkilatlarının iştirakı nəzərdə tutulur. İctimai- siyasi vəziyyətlə bağlı digər məsələlər müzakirə edilib.