|
Böyük Britaniya parlamenti Fələstin dövlətinin rəsmi London tərəfindən rəsmən tanınması üçün hökumətə müraciət qərarı hazırlayıb.
Teleqraf.az anspress-ə istinadən xəbər verir ki, ölkə parlamenti Fələstin dövlətinin tanınması təşəbbüsünü səsə qoyacaq. Təşəbbüsdə deyilir:
“Parlament inanır ki, hökumət İsrail dövləti ilə yanaşı, Fələstin dövlətini də tanımalıdır”.
Ölkə siyasətçilərini iki cəbhəyə ayırmış bu məsələ barədə parlament təşəbbüsünün qəbul ediləcəyi az şübhə doğurur. Çünki ölkənin əsas müxalifət partiyası olan leyboristlərin lideri Ed Miliband parlamentdəki partiyadaşlarını qərarı dəstəkləməyə çağırıb.
Bazar ertəsi parlamentdə müzakirə olunacaq xüsusi qətnamə hakim koalisiyaya daxil liberal demokratların da əksəriyyəti tərəfindən dəstəklənir və hakim Mühafizəkarkar Partiyası deputatlarına istədikləri kimi səs vermək sərbəstliyi tanıyıb.
Xatırladaq ki, İsveç də Fələstini tanıyacağını elan edib. Ötən həftə İsveç Fələstin dövlətini rəsmən tanımaq niyyətində olduğunu elan edən ilk Avropa İttifaqı ölkəsi olub.