"Amma sədrlikdən getsin və cəbhəçilər rahatlıq tapsın, biz qurultayımızı keçirək" 

Bir müddət əvvəl AXCP-dən istefa verən Razi Nurullayevin yaratmağa çalışdığı AXCP-nin sentyabrın 5-də Nərimanov rayon təşkilatının təsis konfransı keçirilib. Musavat.com xəbər verir ki, konfransda Razi Nurullayev özü də iştirak edib. Tədbirdə yüzə yaxın şəxs iştirak edib. Dövlət himni ilə başlayan tədbirdə AXCP-nin Etimad Qurultayının sədri Razi Nurullayev geniş çıxış edib. 

“Bu gün verəcəyim mesajları tezis şəklində çatdırmaq istəyirəm. Azərbaycan siyasətində artiq 90-ci illərin əvvəllərindən bu günə qədər siyasətçilərin uğursuzluğu davam edir. Uğursuz siyasətçilər vətəndaşlara seçkidən-seçkiyə xitab edir və növbəti uğursuzluqlarına imza atırlar. Əgər bir siyasətçi uğursuzdursa,  apardığı siyasətin nəticəsi yoxdursa, o siyasətçi özündə güc tapıb istefaya getməlidir. Mən bir müddət əvvəl AXCP-dən istefa verdim, buna məcbur edildim. Bu müddət ərzində oradan qovulmuş, getməyə vadar edilmiş cəbhəçilərlə, keçmiş hərəkatçılarla  söhbət apardım və belə bir nəticəyə gəldik ki, yeni bir partiya yaratmaq lazım deyil. Nəticəsiz olacaq. Ona görədə mövcud partiyalara resurs qomaq və onları dirçəltmək lazımdır. Bu gün Əli Kərimlinin rəhbərlik etdiyi AXCP var və bir də mənim etimad qurultayının sədri olduğum AXCP. Bu gün artıq AXCP ikidir. Amma hər birimizin qəlbində bu, birdir. Biz AXCP-ni parçalamaq istəmədik və buna görə Ədliyyə Nazirliyinə müraciət etdik. Biz mənəvi müstəvidə fəaliyyət göstəririk. Əgər 20 il Azərbaycan siyasətində nəticə olmayıbsa, bu uğursuz siyasətə görə müxalifət hesabat verməlidir”,- deyə R.Nurullayev qeyd edib. 

Onun sözlərinə görə, bu gün YAP hakimiyyəti vetmək istəmirsə, Konstitusiyanı dəyişirsə, əbədi hakimiyətdə qalmaq istəyirlərsə, demək onlar seçkini saxtalaşdıracaqlar: “Azərbaycanda indiki şəraitdə seçkinin azad və ədalətli keçiriləcəyi inandırıcı görünmür. Uğursu siyasətçi varsa, demək uğursuzluq da var, müxalifət haradasa səhvlər buraxıb. Biz  demirik onlar siyasətdən silinib getsin, Əli Kərimli pisdir demirəm. Bəlkə də Əli Kərimli ən yaxşı insandır, yeyib-içən oğlandır. Amma bu, bizim fərdi və şəxsi həyatımızda ola bilər. Siyasətçi kimi uğursuz siyasətçidir. Apardğı siyasət də uğurlu olmayıb, olsaydı, AXCP parçalanmaya məruz qalmazdı. Əgər Əli Kərimli uğurlu siyasətçidirsə, niyə cəbhəçilər uğursuz həyat yaşamalı olurlar, ac-yalavac gəzirlər? Necə ola bilir birinçilər normal yaşasın, amma ətrafdakıların başını mifologiya ilə doldursun? Neçə il buna dözmək olar?”.

R.Nurullayev konfransda Əli Kərimliyə də səslənib: “Əli kərimLiyə səslənirəm. Demir biz satılmışıq? Hakimiyyət müxalifətin parçalanmasını istəyir, birləşməsini deyil. Bu, faktdır. Elə isə biz birləşək, ümumi qurultay olsun, biz də özümüzü buraxırıq. Əli Kərimli də sədrliyə namizədliyini verməsin. Əli Kərimli getsin özünü lider, imperator elan etsin, getsin kral olsun. Amma AXCP sədrliyindən getsin, cəbhəçilər  rahatlıq tapsın, biz qurultayımızı keçirək. Kim qalib gələcəksə, o da partiyanın sədri olsun. Normal sədr olsun”.

Daha sonra seçki keçirilib. AXCP Etimad Qurultayının sədri Şirvani Qasımov seçilib. 

Ali Məclis üzvü Mikayıl Quliyev seçilib. Məclisin katibi Ələkbər Səfərov olub. 

Musavat.com