Rusiyaya qarşı  uzun müddət  döyüşmüş  Çeçenistan İçkerya Respublikasının  Türkiyədəki  Fəxri Konsulu Mədət  Ünlünün qatili tapılıb.

Avropa.info xəbər verir ki,  Türkiyə  polisi   dünən  Murad Aluç  adlı  şəxsi  həbs edib. Ankara  polisi əvvəl  Ruslan Kamal adlı çeçendən şübhələnirmiş, lakin onun haqqında kifayət qədər dəlil olmadığı üçün sərbəst buraxılıb.

Muzdlu qatili geydiyi yaşıl qolsuz köynək ələ verib. Qatilin Dayı Murad ləqəbli  Murad Aluç olduğu müəyyənləşdirilib. Sözügedən şəxsin  residivist  biri olduğu öyrənilib. Şahidlər, Aluçunun  Çeçenistan   prezidenti  Ramzan Kadırovun adamları ilə görüşdüyünü bildirib.

MƏDƏT ÜNLÜ  NECƏ ÖLDÜRÜLÜB?

Sui-qəsd  2013-cü ilin may ayında  Çankayada, Balgat Məhəlləsində baş verib. Çətin Göbələk Teli Bulvarındakı   konsulluq bürosu  olaraq  istifadə etdiyi iş yerinə gələn  Mədət  Ünlü , naməlum şəxs və ya şəxslər tərəfindən silahla öldürülüb. Naməlum şəxslər ofisin qapı zəngini çalıblar. Namaz qılmaq üçün hazırlıq aparan Mədət  Ünlü qapını açdığı zaman təcavüzkarlar yanlarında gətirdikləri silahla yaxın məsafədən  ona  bir neçə əl atəş ediblər. Təcavüzkarlar hadisə yerindən qaçaraq izləri itiriblər.

Evə gəlməməsindən narahat olan  ailəsi, Ünlünün  mobil telefonunu  və iş yerinə zəng ediblər. Ünlünün telefonu açmamasından  narahat olan ailəsi, polisə məlumat  verib. Bundan sonra, ofisə gələn polis və ailə üzvləri Ünlünün cəsədini aşkarladılar.

MƏDƏT  ÜNLÜ   KİMDİR ?

Mədət  Ünlü , Türkiyədəki  çeçen diasporunun  rəsmi orqanlarla əlaqələrini koordinasiya edirdi.  Ünlü  ofisini eyni zamanda Çeçen İçkeriya Respublikasının konsulluğu olaraq istifadə edirdi və özü fəxri konsul idi. Mədət Ünlü  ömrünün böyük hissəsini, risk altında, mühacirətdə keçirdi.

Mədət  Ünlü , eyni zamanda  Rusiyanın Çeçenistandakı işğalına qarşı illərlə mübarizə aparan çeçen əsilli türk  iş adamı idi. O, Ramzan Kadırovun  "ölüm siyahısında" olan şəxslərdən hesab olunurdu.  Mədət Ünlü  Türkiyəyə gələn çeçenlərə yardım edirdi.  Ünlü  ABŞ-dakı Boston Marafonunda baş verən bombalı hücumlarla bağlı bir türk televiziyasında proqrama qoşulmuş, bombalı hücum hadisənin uydurma olduğunu, çeçen xalqını terrorizmlə əlaqələndirmək istədiklərini  bildirmişdi.

Mədət Ünlü həmçinin,  Çeçenistan İçkerya Respublikasının  ilk prezidenti Cövhər Dudayevin  "Türkiyəyə əmanəti" də sayılırdı.