“Razi Nurullayevin rəhbərlik ediyi AXCP-ni heç kim tərk etmir, əksinə partiya sıralarına gündəlik olaraq onlarla adam qəbul olur. Xalqdan gələn dəstək partiya yetkilisi kimi məni sevindirir. AXCP-yə qarşı yönələn bu iyrənc kampaniyanın arxasında nəyin dayandığını açıq deyəcəyəm. Bu “zəngin” anti-təbliğatın arxasında "Yurd" sədri Əli Kərimlinin olduğu şübhə doğurmur. Təbii, bu şər-böhtanın arxasında“Yurd” əxlaqının təzahürü durur. “Yurd”un rəhəbərliyinə, Əli Kərimliyə müraciətlə bəyan edirəm ki, əxlaqı yerində olmayanlara beş-on manat verib, onları təhqirə təhrik etmək düzgün deyil”.
Bunu Cebhe.info-ya açıqlamasında AXCP funksioneri Ələddin Qarayev deyib.
Onun sözlərinə görə, bəzi mətbuat orqanları da xüsusi tapşırıqla heç bir əsası olmayan informasiyalar yayırlar: “AXCP olaraq sədrimiz Razi Nurullayevin yanında bu yolu sona qədər getməyə hazır olanlarla yola davam edəcəyik. Bəzi sıra informasiya vasitələri, o cümlədən Əvəz Zeynallı AXCP və sədr Razi Nurullayev haqqında guya kompromat xarakterli məlumatlar yayır.
Bu məlumatlar şübhəsiz ki, "Yurd" sədri Əli Kərimliyə yaxın adamların düzüb-qoşduğu uydurmalar, az məlumatlı insanlarda sual yaratmaq üçün ortaya atılımış yalanlardır. Aydındır ki, bunu yayan mənbələr heç nəyə nail ola bilməyəcəklər və əksəriyyət bu iddiaları ciddiyə almır. Razi Nurullayevin sədrlik etdiyi AXCP-yə qarşı yalan məlumat yaymaqla haqqı heç vaxt nahaqqa calamayın. Partiyanın unvanına deyilən tənqidi fikirlər yanlışdır. Partiyanın fəaliyyəti səffaf olub və xalq bunu müşahidə edib. AXCP sədri Razi bəy humanist və gözəl insandır”.
Sonda AXCP funksioneri “Belə bir ülvi məqsədlə – xalqımızın zəbt edilmiş hakimiyyətini özünə qaytarmaq məqsədilə çətin bir yola çıxmağımızdan peşman deyilik. Bu yolu sona qədər getməyə hazır olanlarla yola davam edəcəyik. Əbülfəz Elçibəy də belə edərdi. Uzağı deyəcəkdi - işiniz olmasın, o uşaqlar bizim uşaqlardır. Məlumdur ki, kənardan vahid komanda kimi görünən YAP öz daxilində səmimi deyil. Rəhmətlik Elçibəy demiş, hər şeyin zamana ehtiyacı var...”-deyə vurğulayıb.