BAKI, 27 fevral. TELEQRAF
İngiltərə Premyer Liqasında 27-ci turun oyunları keçirilir.
Teleqraf xəbər verir ki, “Liverpul” yerli azarkeşləri önündə “Nyukasl”ı məğlub edib – 2:0.
Turun maraqlı oyunlarından birində “Mançester Siti” 12-ci dəqiqədə Erlinq Haalandın vurduğu yeganə qolun sayəsində səfərdə “Tottenhem”ə qalib gəlib (1:0).
Liderlər qrupunda yer alan “Arsenal”ın səfərdə “Nottingem Forest”lə oyununda hesab açılmayıb – 0:0. “Mançester Yunayted” isə öz meydanında “İpsviç” üzərində çətin qələbə qazanıb (3:2).
Hazırda “Liverpul” 67 xalla (28 oyun) vahid liderdir. “Arsenal” 54 xalla (27 oyun) ikinci yerdədir. “Nottingem Forest” 48 xalla (27 oyun) 3-cü, “Mançester Siti” isə 47 xalla (27 oyun) 4-cü mövqedə qərarlaşıb.
27 oyundan 33 xal toplayan “Tottenhem” və “Mançester Yunayted” 13-14-cü yerləri bölüşürlər.
