 |
|
|
Bu gün Sumqayıt Dövlət Universitetində "Ritorika klubu"nun açılış tədbiri olub.
Teleqraf.az-ın verdiyi xəbərə görə, tədbirdə İdarə Heyətinin üzvləri çıxış edərək dəvət olunan tələbələri Ritorika Klubun fəaliyyət sahələri ilə yaxından tanış ediblər.
Universitet nəzdində yaradılan bu klub 12 sahə üzrə fəaliyyət göstərəcək.Həmin 12 fəaliyyət sahəsinə Layihələr Departamenti, Filosoflar Federasiyası, Fiziklər Cəmiyyəti, Rəngli İdealar Akademiyası (CİA),Yazıçılar Birliyi, Həvəskar Jurnalistlər İttifaqı, Biznes Klub, Mədəniyyət və İncəsənət Akademiyası, Politoloqlar Universiteti, Tarixçilər klubu və Qladiator Debatları aiddir.
Məlumat verilib ki, Qladiator Debatlarının müstəqil fəaliyyət göstərdiyi ilk ali məktəb Sumqayıt Dövlət Universitetidir.
Tədbirdə klubun yaradılmasında əməyi keçən təşəbbüskar tələbələr Nurlan Səmədli, Arzu Nəbizadə, Bəhruz Bayramov və Elvin Gülməmmədov çıxış ediblər.
Samir Aslan