Teleqraf.az xəbər verir ki, Vətəninfo.az-ın əldə etdiyi məlumata görə, hakim Yeni Azərbaycan Partiyasında bu gün partiyanın namizədləri ilə görüş keçirilib və onların keçiriləcək 1 noyabr seçkiləri öncəsi bir sıra suallarına YAP rəhbərliyi tərəfindən aydınlıq gətirilib.

Məlumata görə, keçirilən görüşdə namizədlər seçki öncəsi təbliğat-təşviqat kompaniyası dövründə KİV-də təbliğatlarının aparılması ilə bağlı suallara da aydınlıq gətirilməsin istəyiblər. YAP rəsmiləri isə partiyanın qərarı olaraq namizədlərin yalnız və yalnız YAP-nın rəsmi orqanı olan "Yeni Azərbaycan” qəzetində, "İki Sahil”qəzetində və "Səs” qəzetində və SİA İnformasiya Agentliyində apara biləcəkləri bildirilib. Yəni beləliklə ölkənin digər media orqanları seçkilərdə hakim partiyanın namizədlərinin reklamlarını alıb yayımlama hüquqna qeyri-rəsmi olaraq embarqo qoyulub.

Maraqlıdır ki, ölkədə KİV-nin hər biri bu seçki kompaniyasında iştirak etmək üçün demək olar ki, hazırdırlar və yüksək səviyyədə namizədlərin təbliğat-təşviqat kompaniyasını apara bilərlər. Amma YAP-sı buna demək olar ki, bəri başdan əngəli yaratmış oldu. İndi ancaq digər KİV-i müstəqil namizədlərin təbliğat-təşviqat kompaniyasın apara biləcəklər.