Rusiyanın Ukraynaya qarşı yürütdüyü işğalçılıq siyasəti bütün dünyada ona və bu dövlətin prezidenti Vladimir Putinə qarşı etiraz və nifrəti günü-gündən artırır.Demək olar ki,dünyanın əksər nöqtələrində Putinə qarşı etiraz aksiyaları keçirilir.

 Teleraf.az-ın Tiflisdə olan əməkdaşı xəbər verir ki, belə aksiyalardan biridə Gürcüstanın paytaxtı Tiflis şəhərində olmuşdur.Ölkə parlamentinin qarşısında Ukrayna və onlara dəstək verən Gürcüstan vətəndaşları  Rusiya Prezidenti Vladimir Putinə qarşı etiraz aksiyası keçirmişlər.Teleqraf.az-ın aksiya yerində olan əməkdaşının verdiyi məlumata görə əllərində Ukrayna və Gürcüstan bayraqları qaldırmış 100-ə yaxın aksiya iştirakçısı Putinin işğalçılıq siyasətini pisləyərək,çıxışlar etmişlər.Onlar  Abxaziyanın xəritəsi əks olunmuş plakatlarla  silahlanaraq “Putin,rədd ol!”,”Moskva.STOP”,”Avropa kömək et”,Gürcüstan-2008,Ukrayna-2014-növbədə sənən!””Putin-x…y”və digər şüarları qaldırıb və səsləndiriblər.

Aksiyada Putinin şəkli yandırılıb. 

 Gürcüstan polisi aksiyanı kənardan izləyərək heç bir müdaxilə etməyib.Aksiya dinc şəraitdə başa çatıb.

Elşən Əlisoy
Fotolar müəllifindir