Gəncə filialında saxta diplomlu Elmlər namizədi aşkar edildi

Prezident İlham Əliyevin sentyabrın 11-də imzaladığı fərmanla “Azərbaycan Respublikasında təhsil sisteminin təkmilləşdirilməsi haqqında” 2000-ci il tarixli 13 iyun tarixli fərmanda edilmiş dəyişikliklərə müvafiq olaraq, Azərbaycan Müəllimlər İnstitutunun Gəncə filialının fəaliyyəti dayandırılıb.

Təhsil Nazirliyindən verilən xəbərə görə, filialda təhsil alan tələbələrin digər ali təhsil müəssisələrinə köçürülməsi, müəllimlərin işlə təmin edilməsi imkanlarının araşdırılması və digər təşkilati işlərin yerinə yetirilməsi məqsədi ilə Təhsil Nazirliyi tərəfindən İşçi Komissiyası yaradılıb.
Artıq bütün tələbələr könüllü olaraq seçdikləri digər ali təhsil müəssisələrinə yerləşdirilib və yaxın günlərdə dərslərə başlayacaqlar. Müəllim və digər işçi personalının işlə təmin edilməsi üçün tədbirlər davam etdirilir.

Qeyd edək ki, bir müddət öncə Azərbaycan Müəllimlər İnstitutunda ciddi qanun pozuntuları aşkarlanıb. Təhsil Nazirliyinin ötən il Azərbaycan Müəllimlər İnstitutunun Gəncə filialında apardığı araşdırma nəticəsində ali təhsil müəssisələrinin fəaliyyətini tənzimləyən normativ-hüquqi aktların tələblərinin kobud şəkildə pozulduğu, tədrisin təşkilində, maliyyə intizamında, təhsil sənədlərinin saxlanılması və verilməsində ciddi nöqsanlara yol verildiyi müəyyən edilib, bu təhsil müəssisəsində təhsil almayan, jurnal və əmr kitablarında adı qeyd olunmayan şəxslərin adına yazılmış diplomlar aşkar olunub. 

Qeyd olunan pozuntu hallarına yol verdiyinə görə təhsil nazirinin müvafiq əmri ilə AMİ-nin Gəncə filiailının direktoru Ramiz Məmmədov vəzifəsindən azad edilib və aşkarlanan pozuntuların kütləvi xarakter daşıdığı nəzərə alınaraq, onlara hüquqi qiymət verilməsi məqsədilə toplanmış materiallar Baş Prokurorluğa göndərilib. 

Gəncə filialında saxta diplomlu Elmlər namizədi aşkar edildi

Mediaxeberleri.az-ın məlumatına görə, AMİ-nin Gəncə filialının tədris işlər üzrə direktor müavini Sədaqət Adıgözəlovanın diplomu saxtadır. O, Ukrayna Respublikasından aldığı saxta diplomu Elmlər Akademiyasına təqdim etmişdir.Guya ki, o, elmlər namizədidir. Sədaqət Adıgözəlova heç rus dilində cümlələri bir-birinə bağlaya bilmir. 

Texnologiya İnstitutunun Gön-dəri fakultəsini bitirmiş şəxs necə olur ki, 3 il tədris işləri üzrə müavin, uzun müddət həmkarlar təşkilatının sədri işləmişdir.
Bu və ya digər suallarımızı Təhsil Nazirliyinə və Korrupsiyaya Qarşı Mübarizə İdarəsinə ünvanlayacağıq.

Qarşı tərəfi dinləməyə hazırıq.....