Azərbaycanlı model Sevda Quliyeva həmkarı Sevinc Şirinovla barışığından danışıb.

Teleqraf.az-a açıqlama verən cazibədar model bildirib ki, 3 ay küsülü olduğu model və aktrisa S.Şirinova ilə artıq münasibətləri normaldır: “Əvvəllər aramızda inciklik olmuşdu. Mən müdafiə olunan tərəf idim. Amma hər insan arasında anlaşılmazlıq ola bilər. Sevinc mənim üçün hər zaman qəlbimdə olub və mən küsməmişdim, böyüyən söz-söhbətin kimlər tərəfindən qızışdırılmasını çözələyəndə məlum oldu ki, hər ikimizə bir-birimiz haqda yalandan məlumat verən insanlar olub ortada. Amma yenədə olmadı çünki Sevincin çox gözəl qəlbi var. İnanıram ki, bundan sonra hər şey yaxşı olacaq. Yaxın günlərdə yeni ləyihəmiz olacaq”.