|
Son günlər bəzi media vasitələrində Qazax Cümə Məscidinin axundu İlham Süleymanov haqqında çeşidli yazılar dərc edilir.
Teleqraf.az xəbər verir ki, Avropa.info-ya açıqlama verən İlham Süleymanov rayonda din sahəsində apardığı xeyirli təbliğatı gözü götürməyənlərin, onu istəməyənlərin bu günlərdə şərəf və ləyaqətinə alaçaldıçı fikirlər ortaya atdıqlarını bildirib.
“Hazırda mənim haqqımda heç bir əsası olmayan, şərəf və ləyaqətimi alçaldan ifadələr işlətmiş Rəşad Ələkbərov Qazax sakini olsa da, İran cəsusudur. Yəni İranla əlaqəsi olan adamdı. Yaşadığı Qazax şəhəri, Əhməd Seyidov küçəsində öz evini məscidə çevirmiş, gəncləri və digər adamları təsir altına salaraq İran meyilli kadrlar yetişdirməklə məşğul olurdu. Mən də bu məsələdən halı oldum, qanunvericiliyə əks olduğu üçün müvafiq orqanların köməyi ilə onun ziyankar fəaliyyətini dayandırdım. O da şər böhtanla məşğul olan adamdı. Hətta, dini qurumlarla iş üzrə dövlət komitəsinin şöbə müdir Eldəniz Vəlievi də bu yaxınlarda şərləmişdi. Guya gələcəkdə fəaliyyətdə olacaq “məscidinin” açılması üçün Eldəniz Vəliyevə 2000 manat rüşvət verib. Deyim ki, o da yalan çıxdı. Hazırda məsələ böhtan xarakterli olduğu üçün iş məhkəməyə hazırlanır. Onu da bildirirəm ki, Rəşad Ələkbərov dövlətin əleyhinə işləyən, hər yola gedən adamdı. O, məni təhdid edirdi. Məni rayon ictamaiətində biabır etmək üçün böhtandan istifadə edəcəyini də bildiridi. Mənə deyirdi ki, əxlaqsız qadınlardan birini tapıb üzünə durduracağam.
Hazırda da heç bir əsası olmayan böhtanlar yağdırır. Mənim öz qürurum, öz əxlaqım var. Bu yolla da addımlayıram. Atalar yaxşı deib: “Yalan ayaq tutsa da yeriməz”. Necə ki, Rəşad Ələkbərovun şər-böhtanı kimi.”