Bərdədə ölümlə nəticələnən yol-nəqliyyat hadisəsi qeydə alınıb.

APA-nın Qarabağ bürosunun xəbərinə görə, oktyabrın 16-da şəhərin Heydər Əliyev prospektində Bərdə rayon Cumalar kənd sakini Məmmədov İlqar Ərşad oğlu idarə etdiyi “Mercedes-E220” markalı, 99 HC 262 dövlət nömrə nişanlı avtomobil rayon sakini Mahmudov Mircamal Mübariz oğluna məxsus “VAZ 2106” markalı, 09 BD 799 dövlət nömrə nişanlı avtomobillə toqquşub. Nəticədə M. Mahmudov və sərnişini, 1995-ci il təvəllüdlü Həsənzadə Kənan Fərhad oğlu xəsarət alaraq Bərdə Mərkəzi Rayon Xəstəxanasına çatdırılıblar. K. Həsənzadə xəstəxanada keçinib.

Faktla bağlı araşdırma aparılır.