Tarixçi alim Dilavər Azərbaycan Demokratik Respublikasının banisi Məhəmməd Əmin Rəsulzadənin Gəncə Şəhər Dəmiryolçular parkında qoyulan heykəlinə yenidən torba keçirilməsi ilə bağlı özünün “Facebook” səhifəsində yazı paylaşıb.

Teleqraf.az həmin yazını oxucularına çatdırır:

Bu günlərdə iki hadisə Azərbaycan dövlətçiliyinə, onun imicinə ciddi zərbələr vurdi. Birini məmur özbaşnalığı törətdi. Digərini isə Azərbaycan adət-ənənələrini ayaqlar altına atan harınlaşmış oliqarxlar etdi. Gəncə şəhərində Məhəmməd Əmin Rəsulzadənin heykəlinin başına çuval keçirilmişdi. Sən demə çoxdan belə bir vəziyyət var imiş. Sadəcə olaraq, onu görən vətənpərvər bir insan özünün lazım bildiyi millət vəkillərinə müraciət etdi. Onlar da buna Milli Məclisdə münasibət bildirdilər. Bu məsələdə onlarla həmrəy olmaq əvəzinə mımur özbaşınalığını müdafiə edən yaramaz deputatlar da oldu. Nə baş verir? Düşünürsünüzmü? Bu, əslində, Azərbaycan dövlətçiliyinə, onun üçrəngli bayrağına tüpürmək deməkdir. Çünki bu gün yaratdığımız dövlət Məhəmməd Əmin Rəsulzadə və dostlarının yaratdığı dövlətin varisi olmaqla ikinci Respublika adlanır. bayrağımız da onlardan qaldırıb. Ötən il Məhəmməd Əminin 130 illiyini keçirmək barədə ölkə başçısı sərəncam imzaladı və hər bir yerdə güclü tədbirlər keçirildi. Demək, bu məmurlar ölkə başçısının da sərəncamını ayaqlar altına ata bilirlər. Kim zəmanət verər ki, bu məmurlar sabah başqası iqtidara gələrsə, bu günki rəhbərlərin də başına çuval keçirməyəcəklər. Əlbəttə, keçirəcəklər, çünki belə tərbiyə olunublar. Onlar yalnız yarınmaq üçün yaranıblar. Burada mənə təsir edən Azərbaycan ziyalısının susqunluğu oldu. Kimsədən səs çıxmadı. Bax, əasl faciə də budur. Dövlətçiliyimizin üzərinə yeriyirlər, ziyalı susur. Tarixi şəxsiyyətlərimiz təhqir olunur, ziyalı susur. Millətə böhtanlar atılır, ziyalı susur. Tarixi şəxsiyyətlərimizə "mavi" damğası vurulur, ziyalı susur. Sonra da millətdən inciyirik. Yazıq millət! Bu cür ziyalısı olan millətdən nə gözləmək olar! Baxın, M.Ə.Rəsulzadənin başına çuval keçirdən məmura rəhbər vəzifə vermək nə dərəcədə düzgündür? Bu cür manqurtluq milləti məhvə aparır. Hesab edirəm ki, ölkə başçısı səviyyəsində buna əncam çəkilməlidr.
hadisənin ikincisi isə Şah İsmayıl Xətayinin şəklinin konyak şüşəsinə vurulmasıdır. Görün, bizim ziyalı nə gündədir ki, buna da susdu. Əvəzində İran İslam Respublikası qurumları, ziaylıları ayağa qalxdı və bildirdilər ki, Azərbaycan ictimaiyyəti buna susmamalıdır. Görün, biz nə günə qaldıq ki, İran cəmiyyəti daha çox reaksiya verdi. Bunu edənlər kimdir? Onların milli kimliyi ortaya qoyulmalıydı. Belə hallar bizdə yol verilməzdir. Sabah bunlar islam peyğəmbərinin, müqəddəs din adamlarının da şəklini vura bilərlər. Təəssüf! Yazıqlar olsun! Millət özünə gəl! Sənin Qarabağ kimi yaran var. Bu cür insanların əməlləri ilə döyüşçü yetişdirmək mümkün deyildir. M.Ə.Rəsulzadəyə, Şah İsmayıla bu cür münasibəti görən gənci necə yetişdirmək olar? Biz bu cür hadisələrə qarşı birgə çıxış etməliyik. Sizlərə səslənirəm səsi çıxmayan Azərbayacn ziyalısı!