|
Klassik Xalq Cəbhəsi Partiyasının İdarə Heyətinin növbəti yığıncağı keçirilmişdir.
Teleqraf.az-ın xəbərinə görə,yığıncaqda qərarların icra vəziyyəti, ictimai – siyasi vəziyyət, qarşıda duran vəzifələr və cari məsələlər müzakirə olunmuş, müvafiq qərarlar qəbul edilmişdir.
KXCP İdarə heyəti, Milli Azadlıq Hərəkatının lideri Əbülfəz Elçibəyin vəfatının 16-cı ildönümü ilə bağlı 22 Avqust 2016-cı il, saat 10:00-da Fəxri xiyabanda Savalan Ziyarəti Gününün qeyd edilməsi haqda qərar qəbul etmişdir.
Əbülfəz Elçibəyin xatirəsinə həsr edilmiş anım tədbiri, 2016-cı il avqustun 22-də, saat 12:00-da KXCP qərargahında keçiriləcəkdir.
Anım tədbirində, Savalan Ziyarəti Günü ərəfəsində müqəddəs Savalan dağını ziyarət etmiş KXCP üzvlərinin səfər məlumatları olacaqdır.