|
“Bu profillər xüsusi xidmət orqanları tərəfindən ələ keçirilir. Bu məsələ ilə bağlı Facebook rəhbərliyinə şikayət məktubu göndərdim. Bizdə olan məlumata görə, 14 gün müddətində bu hesabları bərpa etmək imkanı var”.
Teleqraf.az xəbər verir ki, bunları Deyerler.org-a AXCP sədr müavini Gözəl Bayramlı oğurlanan “AXCP Qadınlar Şurası” və “Azərbaycan Xalq Cəbhəsi Partiyası” profilləri ilə bağlı açıqlama verərkən deyib. O, qeyd edib ki, hakimiyyət siyasi fəaliyyətlə məşğul olan insanların profillərinə kiber hücumlar edir: “Bu proses Milli Şuranın ilk mitinqindən öncə başladı. Həmin vaxtlarda adminlərimizdən Rafiq Daşdəmirlinin profili oğurlandı. Sonra AXCP sədrinin müavini Fuad Qəhrəmanlının profili oğurlandı. Bizə hər cür maneələr yaradılır. Təəssüflər olsun ki, hakimiyyət siyasi fəaliyyət ilə məşğul olan insanların profillərinə hücum çəkir. Deməli bu hakimiyyət bizim fəaliyyətimizdən narahatdır. Bunun müqabilində qeyri-insani metodla mübarizə aparır. Bununla heç nə əldə edə bilməyəcəklər. Onu da qeyd etmək istəyirəm ki, bu faktlarla bağlı ciddi addımlar atmaq istəyirik”.