Sərdar Cəlaloğlu: “Azərbaycanda siyasi inkişafın ölü nöqtəsindən tərpənməsi üçün bu təmas bir başlanğıc ola bilər”

 Noyabrın 12-də KXCP qərargahında Siyasi Partiyaların Demokratiya və İnsan Haqları Mərkəzinə daxil olan KXCP, ADP, ALDP və AXP-nin sədrləri ölkədəki ictimai-siyasi vəziyyəti müzakirə etmək məqsədilə Prezident Administrasiyası İctimai-siyasi məsələlər şöbəsinin müdiri Əli Həsənovla görüş üçün rəsmi məktub göndəriblər. Teleqraf.az xəbər verir ki,bu barədə ADP sədri Sərdar Cəlaloğlu “Yeni Müsavat”a açıqlamasında məlumat verib. 

 S.Cəlaloğlunun dediyinə görə, dialoq məsələsinin müzakirəsi zamanı öncə o, dövlət başçısı ilə görüş üçün müraciət etməyi təklif eləyibmiş: “Təklif etmişdim ki, dövlət başçısı ilə proseslərin hara getdiyi, ölkənin vəziyyətini müzakirə etmək üçün müraciət etmək lazımdır. Həmkarlarımın bəziləri isə dedilər ki, öncə Əli Həsənovla görüşək. Bunun üçün müraciət edək. Mən də etiraz eləmədim və müraciəti etdik”.

 ADP sədri bildirdi ki, ola bilər Əli Həsənovla görüşdən sonra proses inkişaf edər və bəlkə iqtidar özü daha yüksək səviyyədə görüşü reallaşdırar. Belə olsa, Azərbaycan tarixində Əbülfəz Elçibəydən sonra ilk belə addım atılmış olar: “Əbülfəz Elçibəy prezidentliyinin 5 ayında ölkədəki bütün siyasi partiya liderləri görüşmüşdü. Həmin görüşdə o dövrdə hakimiyyətə qarşı müxalifətdə olan Yeni Azərbaycan Partiyasının təmsilçiləri Əli Nağıyev və Samur Novruzov da iştirak etmişdi. Azərbaycanda belə bir ənənənin davam etdirilməsinə zərurət var”.      

 Əli Həsənovla görüşdən gözləntiyə gəlincə, S.Cəlaloğlu dedi ki, bir dənə görüşdən inqilabi dəyişikliklər gözləməməliyik. Sadəcə olaraq, bu görüş ölkədə yeni dialoq mühitinin başlanğıcı ola bilər: “Azərbaycanda siyasi inkişafın ölü nöqtəsindən tərpənməsi üçün bu görüş bir başlanğıc ola bilər. Bu görüşdən tərəflər siyasi dialoqun şərtlərinə düzgün əməl eləsələr, bu, bütünlükdə bir prosesə çevrilər, gələcəkdə prosesə digər partiyalar da qoşular, lap prezidentin özünün qatılması istisna edilməməlidir. Bu isə Azərbaycanda demokratiyaya qansız, qadasız, tədrici keçidin əsasını qoya bilər. Təcrübə göstərir ki, o ölkələrdə ki, demokratiyaya zərurət olduğu halda tədrici keçid yoxdur, həmin ölkələrdə qanlı-qadalı proseslər baş verir. Bu isə həmin ölkələri sarsıdır, xalqı, dövləti böyük zərbələr altında qoyur. Bu baxımdan biz gərək praktikanı nəzərə alaq, Azərbaycanın geopolitik durumunu, düşmənlərimizin çoxluğunu nəzərə alıb içdə elə bir siyasət aparaq ki, bu siyasət islahatlara, müsbət dəyişikliklərə gətirib çıxarsın. Bunun üçün isə siyasi dialoqdan başqa yol yoxdur”.

 ADP sədri onu da vurğuladı ki, indiyə qədər klassik mənada siyasi dialoq aparılmayıb. Adətən siyasi dialoq hesab edilən proseslərdə ya iqtidar müxalifəti, ya müxalifət iqtidarı məğlub etmək məqsədi güdüb: “Əslində isə siyasi dialoqun mahiyyəti ondan ibarətdir ki, burada hər iki tərəf qalib olsun, yəni hər iki tərəf özünün öncül olan marağını təmin eləsin. Hər iki tərəf qalib olanda isə ölkə qazanır. Nəzərdə tutduğumuz dialoqda da əgər klassik dialoqun tələblərinə əməl olunmayacaqsa, əvvəla, bu dialoq bir dəfə olacaq və bununla da qurtaracaq, ikincisi, xalq tərəfindən dəstəklənməyəcək. Bir demokratik prosedur yenə də xalqın gözündən düşəcək”. 

 Müxalifət partiyalarının sədrlərinin görüş üçün müraciətinə böyük ehtimalla müsbət cavab veriləcək. Əli Həsənovun görüş məsələsi ortaya çıxan gün “Yeni Müsavat”a açıqlamasında səsləndirdiyi fikirlər bunu deməyə əsas verir. Hakimiyyət rəsmisi təşəbbüsə hörmətlə yanaşdıqlarını bildirmişdi: “Hakimiyyətlə siyasi partiyalar, qeyri-hökumət təşkilatları və kütləvi informasiya vasitələri arasında dialoq demokratik inkişafın zəruri şərtlərindən biridir və vətəndaş cəmiyyətinin daha da dərinləşməsinə xidmət edir. Azərbaycan hakimiyyəti ölkədə fəaliyyət göstərən bütün ictimai-siyasi təşkilatlarla dialoqa və əməkdaşlığa həmişə hazırdır. Azərbaycanın   ictimai-siyasi həyatında iştirak etməyin siyasi və hüquqi normaları, seçkilər, sağlam siyasi rəqabət, insan hüquq və azadlıqlarının təmin edilməsi və digər məsələlərə dair səmərəli müzakirələr aparıla bilər. Hesab edirik ki, bu sahədə kifayət qədər təcrübə də toplanmışdır. Ayrı-ayrı vaxtlarda ictimai-siyasi qurumların, vətəndaş cəmiyyəti institutlarının nümayəndələri ilə görüşlər keçirilmiş, fikir mübadiləsi aparılmış və irəli sürülən dəyərli rəy və təkliflər nəzərə alınmışdır. Buna görə də bir sıra siyasi partiya rəhbərlərinin ictimai-siyasi vəziyyəti müzakirə etmək təşəbbüsünə hörmətlə yanaşırıq. Dialoqla bağlı konkret təkliflər olarsa, onları nəzərdən keçirməyə hazırıq”.

 

Bölməyə aid digər xəbərlər

18 Sent 2020 Azərbaycanda referendum təklif olunur – Deputatlardan REAKSİYA

02 Sent 2020 “Ramiz Mehdiyev də dəyişiklik istəyir” – Qubad İbadoğlu

13 Avq 2020 Prezident Hulusi Akarı qəbul etdi - Fotolar

01 Avq 2020 Ağdamda İran minaatanları tapıldı: Tehran Ermənistana silah ötürüb? - (FOTO)

06 İyun 2020 Qonşu otaqda nə baş verdiyindən xəbərsiz “kəşfiyyatçı”

07 Mart 2020 Elşən Əlisoy Baş Prokurorluğa çağırıldı

19 May 2018 Milli Məclisin növbədənkənar iclası çağrıla bilər

10 Fev 2018 iranda bir neçə nəfər casusluqda ittiham olunaraq həbs edilib

05 Fev 2018 Milli Şura və AXCP prezident seçkisini boykot etdi –Mart ayına etiraz aksiyaları təyin olundu QƏRAR

05 Fev 2018 Türkiyə Suriyadan çıxmalıdır - İran

25 Okt 2017 "Ermənilərin türk parlamentinə seçilməsi razılaşdırılmış məsələyə bənzəyir" -XƏZƏR TEYYUBLU

18 Okt 2017 Lavrovun Bakıya mesajının pərdəarxası – Ekspert

03 Noy 2016 Merkel Türkiyəni tənqid etdi

31 Okt 2016 Gürcüstandakı seçkilərin son nəticələri açıqlandı

28 Okt 2016 Putin Fətullah Güləndən danışdı

25 Okt 2016 Vaşinqton Post: Rusiya ABŞ-a qalib gəlir…

24 Okt 2016 Azərbaycan Xəzər hövzəsində təklənə bilər

24 Okt 2016 KXCP - Ölkə Başçısını Konstitusiyaya əməl etməyə çağırır

18 Okt 2016 QAT sədri Eldar Mahmudovun qurbanlarına ədalət istədi

17 Okt 2016 Mosul əməliyyatı – 7 kənd İŞİD-dən azad edildi

16 Okt 2016 Şotlandiyada müstəqilliklə bağlı təkrar referendum keçiriləcək

13 Okt 2016 BMT-nin baş katibi Portuqaliyalı oldu

10 Okt 2016 Sonuncu variant- Referendumla bağlı STP-nin mövqe sənədi

10 Okt 2016 KXCP Müstəqillik günü ilə bağlı tədbir keçirəcək

09 Okt 2016 İlham Əliyev Türkiyəyə gedib

08 Okt 2016 Rusiya BMT TŞ-də Fransanın Suriyaya ilə bağlı qətnaməsini bloklayıb

07 Okt 2016 “Azadlıq” Siyasi Partiyaların Əməkdaşlıq Mərkəzi aktiv fəaliyyətə başlamaq haqda qərar verdi

07 Okt 2016 N. Məmmədov: 'Azərbaycan Con Kerrinin bəyanatını qəbul etmir'

07 Okt 2016 Rusiya-Ermənistan hərbi sasişi təsdiqə gedir

04 Okt 2016 İlham Əliyev təhsil işçilərini təltif edib – SİYAHI

Xəbər lenti