Əli Əliyev: “Səhvə və cinayətə yol verən həkimlərə heç cür bəraət qazandırmaq olmaz, insan həyatını qorumağı vəzifə seçmiş mütəxəssislər bütün hallarda işini ləyaqətlə, vicdanla icra etməlidir”

Hər kəs ömründə həkimə müraciət etməli olur. Bir çox hallarda insanın hansısa xəstəlikdən qurtulması, sağlam həyata qovuşması üçün cərrahi əməliyyat həyati əhəmiyyət daşıyır. Lakin pasiyentlərin öz canını həkimlərə etibar edib əməliyyat olunmaq istəkləri bəzən onların həyatı bahasına başa gəlir. Son bir neçə ildə Azərbaycanda əməliyyat masalarında dəhşətli faktların, daha dəqiq desək, ölüm hallarının qeydə alınması bunun bariz nümunəsidir.

 
KİV-lərdə özünə yer alan bu faktların bir neçəsini xırda epizodlarla xatırlatmaq belə, dəhşətli mənzərə yaradır. 2013-cü ildə Bakıda, “MediSina” Tibb Mərkəzində cərrahiyyə əməliyyatına hazırlıq zamanı tənqidçi kimi tanıdığımız Elnarə Tofiqqızının ona vurulan narkozdan keçinməsi böyük əks-səda yaratdı. Mərhumun yaxınlarının və tibbi ekspertizanın açıqlamalarında E.Tofiqqızının ölümündə həkimlərin günahkar olduğu göstərildi. 2015-ci ildə 18 yaşlı Leyla Mürsəlovanın özəl klinikaların birində - “StarMed”də burnundan plastik əməliyyat zamanı ölməsi barədə də çox yazıldı. Qandonduran faciədə cərrah və klinika ittiham edilirdi. Sumqayıt şəhərində fəaliyyət göstərən “Real” Sağlamlıq Klinikasında 3 yaşlı Arzu Qurbanlının burun-boğaz əməliyyatı sonrası dünyasını dəyişməsi də bu faktlar sırasındadır. 

Növbəti belə ölüm faktı, məlum olduğu kimi, ötən həftə Gəncə şəhərində yerləşən tibb mərkəzlərinin birində baş verdi. 17 yaşlı qızın burnundan estetik əməliyyat edilən zaman narkozdan ayılmayıb dünyasını dəyişməsi məsələnin nə qədər ciddi olduğunu bir daha ortaya qoydu. Bəs yaxşı, uğursuz, ölümlə nəticələnən cərrahiyyə əməliyyatlarının sayı niyə artır? Səbəb nədir: həkim səhvi, tibbi xəta, yoxsa səhlənkarlıq? 

Bu barədə fikirlərini bölüşən Vətəndaş və İnkişaf Partiyasının (VİP) sədri, Azərbaycan Dövlət Tibb Universitetinin (AzTU) müəllimi, biologiya elmləri namizədi Əli Əliyev hesab edir ki, ölkəmizdə həkim səhvləri ilə bağlı faktlar son dövrlər çoxalıb: “Təbii ki, insanların taleyi ilə bağlı sahələr daha ciddi fəaliyyət göstərməlidir. İnsan həyatından qiymətli heç nə yoxdur. Həkim səhvi təəssüf ki, düzələ bilmir. Düzünü desək, tibb işçilərinin səhvləri həmişə olub və hər yerdə də baş verir. Bütün sahələrdə insan faktoru ilə bağlı işlərdə səhvsiz keçinmək olmur. Lakin qısa müddətdə ard-arda belə fatal yanlışlar hiddət doğurmaya bilməz”. 

Bu hadisələrin daha çox insan faktoru ilə bağlı olduğunu düşünən Ə.Əliyevin fikrincə, qeydə alınan hər bir ölüm faktı ayrılıqda araşdırılmalıdır: “İnanmıram ki, onların ümumi peşə bağlılığı var. Təbii ki, səhiyyə sferasına aid ümumi problemlər mövcuddur. Lakin bildiyim qədər son aylarda baş verən xətaların konkret subyektiv səbəbləri mövcuddur. Azərbaycan səhiyyəsindəki vəziyyət digər sahələrdən nə çox, nə də azdır. Sadəcə olaraq, tikinti sahəsində, yol çəkilişində, təhsildə, sosial və digər sahələrdəki yanlışlar bir o qədər rezonans doğurmur. Ancaq səhiyyədə baş verənlər dərhal haqlı şəkildə əks-sədaya səbəb olur. Çünki ən qiymətli məfhum insan həyatıdır. Misal üçün, maliyyə sektorunda son dövrlər baş verənlər ən miqyaslı və təsirli ictimai hadisədir. Ölkə iki dəfə kasıblaşıb. Əmlakımız və dövlətin kapitalizasiyası iki dəfədən artıq dəyərdən düşüb. Nədənsə mütəxəssislərdən və ara söhbətlərdən başqa bu problemlə bağlı heç kim danışmır? Yaxud, 30 illiyə zəmanəti olan Bakı-Quba şossesi artıq dağılıb, amma gəlin görək, kimsə məsuliyyətə cəlb olunubmu, kimsə bu barədə yazıbmı? Ölkənin varidatı qısa müddətdə göyə sovrulub, kimi isə bu narahat edirmi? Və ya Azərbaycan əhalisi bilirmi ki, ölkəmizdə ən az maaş alan həkimlərdir? Əlbəttə, bunlar heç bir halda səhvə, bəlkə də cinayətə yol verən həkimlərə bəraət üçün ünvanlanan suallar deyil. İnsan həyatını qorumağı vəzifə seçmiş mütəxəssislər bütün hallarda vəzifələrini ləyaqətlə, vicdanla icra etməlidirlər. Lakin həkimlərin də yaşayış, fəaliyyət, dolanışıq şəraitini yaxşılaşdırmağı cəmiyyət və aidiyyətli şəxslər düşünməlidirlər. Necə olur ki, paralel təhsil almış və mütəxəssis kimi formalaşmış prokurorla həkimin arasındakı maaş fərqi bəzi hallarda 10 dəfə birincilərin xeyrinədir?”

 

Bölməyə aid digər xəbərlər

03 Noy 2016 Sərdar Cəlaloğlu həbsdə olan siyasətçini ittiham etdi

01 Noy 2016 ABŞ-ın Gülənin planından xəbəri var idi - Rusiya

28 Okt 2016 "Hər bir şəhid məzarının üzərində bayrağın ucaldılması doğru deyil"

26 Okt 2016 Tramp: “Klinton ABŞ-ı üçüncü dünya müharibəsinə sürükləyəcək”

18 Okt 2016 İlham Əliyev: “Dağlıq Qarabağ muxtar respublika statusu ala bilər”

13 Okt 2016 Çavuşoğludan sensasion açıqlama- “Çevriliş cəhdinin ertəsi gün həyat yoldaşım məni təhdid etdi…”

09 Okt 2016 Mirmahmud Mirəlioğlu: “Məhərrəmliklə bağlı qadağalar doğru deyil”

04 Okt 2016 Şiə din xadimindən fətva ''Türk əsgərinə qarşı vuruşmaq vacibdir''

30 Sent 2016 Rusiya: “İŞİD-in hədəfi Türküstandır”

23 Sent 2016 Proxanov: “Putinin nəzərinə: SSRİ-ni məhz Qarabağ münaqişəsi dağıtdı”

17 Sent 2016 Rəsul Quliyev: “Milli Şura analiz edə bilmir”

09 Sent 2016 Akif Nağı: “Rusiya çalışır ki, Dağlıq Qarabağ məsələsi gündəmə gəlməsin”

09 Sent 2016 ABŞ: “İrana yenidən sanksiya tətbiq edə bilərik”

30 Avq 2016 Saakaşvili Putini timsahla müqayisə etdi

14 Avq 2016 M.Əliyev: 'Hakimiyyət referendum əleyhdarı istəmir'

06 Avq 2016 Səxavət Əlisoy: “Xalq müxalifətə dəstək vermək iqtidarında deyil”

31 İyul 2016 Ərdoğan: “Heç bir prezident qiyam gecəsindən sonra Türkiyəyə gəlmədi”

31 İyul 2016 Klinton: “Hücumu rus kəşfiyyatı təşkil edib”

30 İyul 2016 Qənirə Ataşova Pensilvaniya səfərindən yazdı: ''Güləndən ''Nəyə görə ABŞ səni qoruyur'' soruşmuşdum''

27 İyul 2016 “Müxalifət bir araya gəlib referendum kampaniyasında iştirak etməlidir”

26 İyul 2016 “Məktəblərdə ailə dəyərləri haqqında maarifləndirici təlimlərə vaxt ayrılmalıdır”

26 İyul 2016 “Ərdoğan Türkiyəni parçalanmadan qurtaramaq üçün qərarını verməlidir”

23 İyul 2016 MTRŞ: “ANS-in yayımı bərpa olunmayacaq”

20 İyul 2016 "Beynəlxalq yarış və müsabiqələr,iqtisadiyyatımıza mənfi təsir edib"

16 İyul 2016 “Əminəm ki, Türkiyə xalqı dünyəvi cəmiyyətin qorunub inkişaf etdirilməsinə nail olacaq”

16 İyul 2016 “Çevrilişdə iştirak edənlərin xalq düşməni adlandırılmasının əleyhinəyəm”

14 İyul 2016 "AXC-nin fəaliyyəti tarix qarşısında layiqli qiymətini alacaq"

08 İyul 2016 “Yolbəyimiz Elçibəyin yanında olmaq, onun qutsal ruhunu duymaq istəmişəm”

28 İyun 2016 Mirmahmud Mirəlioğlu: “Vatikandakı işlərimizi dayandırmalı, katolik kilsəsinə yer ayırmalı deyilik”

22 İyun 2016 Siyavuş Novruzov: “İqbal Ağazadə Silahdaşlarının üzünə duran kəsdir”

Xəbər lenti