Zəka Sahib

Dünyada adını İslam dövləti qoyub bu qədər riyakarlıq edən, adını islam cümhuriyyəti qoyub müsəlman qatilinə dəstək verən İrandan başqa ikinci bir ölkə yoxdu.

İran rəsmiləri son Qarabağ savaşında ortaya riyakar mövqe qoyaraq tərəfsiz olduqlarını bəyan etdilər. Halbu ki, bu yalançı “islamçı”lar bilməlidirlər ki,  kafirlə müsalmanın davasında özünü müsalman sayan kimsə bitərəf sayırsa, artıq bu onun əqidəsini və islama necə bağlılığını ortaya qoyur. Təbrizdə Güney Azərbaycan Türkləri Qarabağ üçün mitinqlər edərək, Qarabağ üçün savaşmağa hazır olduqlarını bəyan etdikdən sonra isə, İran rəsmiləri məcbur olub ərazi bütövlüyümüzü tanıdığını deyib, sülh danışıqlarının bərpa olunmasını istədiklərini və danışıqlar üçün vasitəçi olmağı bəyan etdilər. Əslində İranın istədiyi “sülh” və danışıqlar təklifi özü onların riyakarlığından xəbər verir.

Fars şovnizminin başında dayananlar çox gözəl anlayırlar ki, Azərbaycan özünün torpaqlarını döyüşlə azad etməyə qadirdi. Ona görə də İranın hay-həşirlə danışıqlar təkidi əslində özünə və ermənilərə daha çox lazımdır. Fars şovnizmi anlayır ki, savaş davam edərsə İranda baş verən milli hərəkatın qarşısını almaqda aciz qalacaqlar. Bütün bunlardan aydın hiss etmək olur ki, bu ölkənin rəsmiləri qanlarında olan TÜRK düşmənçiliyindən geri çəkilmək fikirləri yoxdur.

İranın nüfuzlu akademiklərindən olan Bəhram Əmir Əhmədyan isə biraz da qabağa gedərək, müsahibəsində qeyd edib ki, Qarabağ savaşında, "Ermənistanın qələbə çalması İranın marağına uğyundur." Güya akademik olan bu şovnist qafalı şəxs iddia edir ki, Türkiyənin Qarabağ məsələsində Azərbaycana dəstək verməsi Qarabağ problemini dərinləşdir. Ədmədyanın bu müsahibəsini oxuduğda onun nə qədər ağıldan sakat biri olduğu bilinir. Bu mövqe  həm də, Xamneyinin nəzarətində olan bir hakimiyyətin müsalmanlığının hansı səviyyədə olduğunu ortaya qoyur. 

Özünü islam dövləti adlandıran İran bir daha göstərdi ki, İranın islama və insanlığa heç bir aidiyyəti yoxdur. Əhmədyanlar bilməlidirlər ki, Artıq istər quzeyli, istərsə də güneyli olan hər bir Azərbaycanlı özünün bölünmüş bir xalq olduğunu dərk edir və Bütöv Azərbaycan uğrunda mübarizə aparır. İran rejiminin isə ortaya qoyduğu bu riyakar mövqe əslində milli hərəkatımıza təkan verir. Bu münafiq mövqei görən hər bir azərbaycanlı əslində fars rejiminin iç üzünü daha aydın şəkildə dərk edir. Xalqların azadlıq iradəsini qırmağa köklənən hiylələrin ömrü heç də uzun olmur. Fars molla rejimi müqəddəs dinimizn adından istifadə edərək, milli hərəkatın qarşısını alması artıq mümkün deyil.

Dinimizin hökümlərindən biri olan və Cənabi Haqın buyurduğu,“Müsalman müsalmanlın qardaşıdır” əmrinə itaət etməyərək, müsalman torpaqlarını işğal edən kafir ermənilərə hər cür dəstək verən, onların güclənməsi üçün bütün imkanlarından istifadə edən,  bir dəbnə də olsun müsalman dövləti dostu olmayan, bunun əvəzində bütpərəst Çinlə və müsalman qatili Rusiya ilə qardaşlıq edən Fars rejimi anlamalıdır ki, artıq İranda yaşayan həqiqi imanlı insanlar bunların hansı əqidədə olduqlarını çox gözəl anlamağa başlayıblar. Bu gün artıq ETTELAT-ın həzrəti Hüseyinin azadarlıq günüdə, peyğəmbərimizin övladının şəhadətindən şou hazırlayan rütbəli “azadar”ları da, şouları işləmir.

Fars rejiminin ideoloji silahları artıq tükənib. Yaxın illərdə Təbrizin yumruğunun başlarının üstündə olduqlarını fars şovnizminə xidmət edələr görəcək və bu zərbənin təsirini əbədi olaraq yaddaşlarına həkk edəcəklər.