Elşən Əlisoy

Şərqin ilk demokratik cümhuriyyətini quran, şərq qadınına azadlıq bəxş edən,"insanlara azadlıq, millətlərə hürriyyət"deyib dünyanın insan azadlqları qorunan ölkələrinin birinci cərgələrində adı olan Azərbaycan xalqının bu günki durumu dövlətimizin tarixi haqda məlumatı olan hər bir insanı düşündürür.

 Bəs nədir səbəb?! 

Mənim düşüncəmə görə,1920-ci ildə rus imperiyasının müstəqil dövlətimizə qarşı etdiyi təcavüzdən sonra Azərbaycanda “rus başlı” övladlar yetişdirilməyə başlanıldı. Heç bir dəyərlərə,vətən hissinə bağlılığı olmayan bu insanlar öz ağalarnın tapşırıqlarıni xalqımız üzərində çox məharətlə və həm də həvəslə icra etməyə başladılar. Azərbaycanın milli sərvətləri olan ziyallarımız,elm-sənət adamları məhs bu məcburi rus nigahından yaranan biclərin sayəsində Sibirin soyuq çöllərində ölümlə-qalım arasında mübarizə apararaq dünyaların dəyişdilər. Dövlətimiz bunların əlləri ilə işğal edildi. Bunlar üçün millət, ata-ana ,vətən məhfumu olmadığı üçün dilimizin də millətimizin də adını dəyişdirilərək bizlərə özləri kimi qondarma adlar qoymağa başladılar. Bizlərə babalarımızı unutdurub özlərinin Lenin babalarını, Sitalin atalarını sırıdılar. Ona görə də kökümüzdən, əcdadımızdan uzaq düşdük, babalarımızın qatilləri olan,həyatımıza güclə soxuşdurulmuş “babalarımız”ın şəninə şeirlər oxuyub mahnılar bəstələdik. Mayası haramla yoğrulanlar bizləri də “pripiska” oyunlarına qoşaraq oğru etməyə çalışdılar. Bəzən o dövrün adamlarının sovet vaxtı kolxozlarda, tikinti idarələrində olan oğurluqlar, “maxnasiya”lar barədə ürək dolusu ilə danışarkən,“heyif deyildi sovet höküməti” sözünü eşidəndə düşünürdüm ki, necə ola bilər ki, okeanın o tayında gedən proseslərdən dəqiq məlumat alan,dünyanın ən güclü kəşfiyyatına sahib olan SSR-i kimi bir imperiyanın keçmişin həsrəti ilə yaşayanların bildiklərindən xəbəri yox idi? Yox təbii ki, var idi. Sadəcə imperiyanın baş bilənləri burda olan övladlarının “qabiliyyət”lərinə” inanırdılar.Onlar bilirdilər ki, vaxt gələcək Azərbaycan xalqı öz azadlıqları uğrunda savaşacaq və onda onların ən böyük problemləri qanlarına hopdurulmuş rüşvət, korrupsiya, oğurluq və saxtakarlıq hissləri olacaq.Məhz bunu bildikləri üçün də burda olan kəbinsiz övladlarının yaxalarını orden və medallarla doldururdular. Bəli, qanımızda olmayan virusları bizlərə yoluxdurduqları üçün mükafatları xəsislik etmədən paylayırdılar.

Rus imperiyasının başbilənlərinin hesablamaları düz çxdı, Azərbaycan xalqı öz azadlığı uğrunda mübarizəyə qalxdı. Milyonlarla insan Lenin adı qoyulmuş meydanı Azadlıq meydanına çevirdi. Can üstə olan imperiya xalqın azadlıq hissini tanklarla, öz vəhşi ordusu ilə öldürə bilmədiyini gördükdə yenə də özünün kəbindənkənar övladlarını işə salmağa başladı. Müqəddəs amallar uğrunda mübarizə aparan milli hərəkatımızın içinə dedi-qodu ayaq açdı. Hərəkatın liderlərinə qarşı şantaj dolu şayələr yayılmağa başladı. İmperiya öz sevilmi övladlarını tank üstündə hakimiyyətə gətirməyə çalışdılar. Azərbaycan öz müstəqiliyini əldə edib , bütövlüyü uğrunda mübarizədə nailiyyətlər qazanaraq Azərbaycanda yaşayan bütün xalqaların hüquqlarının müdafiəçisi olan demokratik cümhuriyyət qurmağa nail olsa da, bir ayağı burda bir ayağı Rusiyada olan rusbaşlılar cümhuriyyətimizin çökməsi üçün ağalarına hər zaman oduğu kimi sədaqətlə qulluq etdilər. Torpaqlarımız təxribatla işğal olundu, demokratiyanın ömrü cəmi 11 ay çəkdi. Bir zaman canımıza hopturulan zəhərli viruslar baş qaldırdı. Ölkəni rüşvət, korrupsiya bürüdü. Bütövlükdən çıxıb tayfabazlığa meyilləndirildik.  Məlum oldu ki, imperiya o medalları heç də nahaq yerə övladlarının yaxasına düzmürmüş.  Bir zaman cümhuriyyətimizin qurucularına qarşı reperesiya aparanların övladları indi də onların davamçılarına qarşı eyni əməlləri təkrarlayırlar. Cümhuriyyətimizin qurucusu olan Məmmədəmin Rəsulzadəyə qarşı olan nifrət davam edir. Rəsulzadənin adı unutdurulur, heykəlləri, sökülür və ya başına torpa keçirilərək təhqir olunur.  Dövlətimizin ikinci müstəqilliyi üçün mübarizə aparmış insanlara, onların soyadlarını daşıyanlara qarşı düşmənçilik eynən 37-dəki kimi davam edir. Həbsxanalar insan hüquqları uğrunda mübarizə aparan insanlara dolub. SSR-i imperiyası dövründə olduğu kimi xalqların saxta dostluğu təbliğ edilir. Meydanlarımız, parklarımız bizim dənizə tökülməyimizin, demokratların bizi məhvə aparmasınin qarşısını alan “baba”mızın heykəlləri iə bürünüb. Az qalır ki “Qardaş olub Hayıstan-Azərbaycan... mahnısının yeni oranjimanı təqdim oluna. Aradakı ən böyük fərq “baba”larımız artıb. Başqa ölkədə oturub burda olan nəvələrinə nəsihət edən əmmaməli “baba”larımızn, qanı qanımzdan olmayan “xilaskar”larımızın sayı artıb. Ölkədə halazadələrin ciddi dirənişinə ehtiyac var. Sibirin soyuq çöllərində amalından dönməyən babalarımızın,vətənin azadlğı uğrunda canlarını fəda edən şəhidlərimizin davası yarımçıq qalmamalıdır. Cənnət vətənimizə, halal keçmişimizə sahib durub, xoşbəxt gələcəyimizi qurmaq bizm müqəddəs borcumuz olmalıdır.