Ermənistanda yerləşən Metsamor Atom Elektrik Stansiyası Cənubi Qafqaz, Orta Asiya, Xəzər və Qara dəniz ölkələri üçün təhlükə mənbəyinə çevrilməsi ciddi müzakirə mövzusuna çevrilib.

Azərbaycan hökuməti ölkə üçün təhlükə mənbəyinə çevrilən bu qurğunun fəaliyyətinin dayandırılması üçün aidiyyəti beynəlxalq qurumların məsələyə diqqət yetirməsi üçün çağırışlar edir.

KXCP sədrinin müavini Xəzər Teyyublu məsələ ilə bağlı AzNews.az saytına münasibət bildirib:

 “Əlbəttə ki bu stansiya qurularkən də etirazlar var idi. Ümumiyyətlə, stansiyanı ruslar inşa ediblər və həmin zaman regionda yaşayan xalqların və dövlətlərin maraqları nəzərə alınmayıb. Rusiya Qafqazda müxtəlif konflikt nöqtələri yaratmaqla bərabər bu stansiya ilə regionu həm də siyasi maraqlarına xidmət etdirməkdir. Çünki Qafqaz regionu ərazi üzrə əhalisinin yerləşməsi baxımından sıxlıq təşkil edir və belə radioktiv təhlükəli stansiyanın olması yolverilməzdir. Bir sözlə, bu məsələ Rusiyanin bölgə marağındadır. Və beynəlxalq səviyyədə ictimailəşməli və stansiyanın fəaliyyəti dayandırılmalıdır”.