Sabah 25-ci ilini arxada qoyur müstəqilliyimizin. Bəzən müstəqillik tariximizdən bəhs edərkən nədənsə 30 avqust tarixini görməzdən gəlirik. Məhz avqust ayının sonları idi ki, QKÇP əngəlindən keçən Sovetlər Birliyinin ayrı ayrı respublikalarında müstəqilliyin bərpası ilə bağlı İstiqlaliyyət bəyannamələri qəbul olundu. O dönəm üçün keçmiş "ittifaqın" demokratik mübarizəsində öz dəst xəttilə seçilən ölkəmizdə həmin bəyannamə oktyabrın 18-də qəbul edilən 32 maddəlik Azərbaycan Respublikasının Dövlət Müstəqilliyi haqqında Konstitusiya Aktı ilə daha da möhkəmləndi. Tarixin dəyərləndirməsi üçün qeyd etmək yerinə düşər ki, 25 illik müstəqilliyimizin əsas hüquqi sənədi olan bu aktın lehinə səs verib tarix yazanların sırasında bu gün də aramızda olub, hətta yüksək dövlət vəzifələrini tutan dönəmin millət vəkilləri də bulunmaqdadır. 25 il ötsə də, nəsillər dəyişsə də nə o siyahı dəyişmiş, nə də yaddaşlar..

Yenidən müstəqilliyinə qovuşan Azərbaycan Respublikasını 1918-ci ildə qurulmuş AXC-nin varisi hesab edən bu Konstitusiya Aktının birinci maddəsi bu şəkildə tərtib olunmuşdu:"1920-ci il aprelin 27-28-də RSFSR-in 11-ci ordusununAzərbaycana təcavüzü, respublika ərazisini zəbt etməsi, beynəlxalq hüququn subyekti olan Azərbaycan Demokratik Respublikasını devirməsi Rusiyanın Azərbaycanı işğal etməsi kimi hesab edilsin" . Məhz 25 il sonra mövcud iqtidarın izlədiyi xarici siyasət kursuna nəzər salarkən hazırda parlament kürsüsündə oturanların əksəriyyətinin 1991-ci ildəki sələflərinin müstəqillik aktının əleyhinə səs vermələrini anlamaqda zorluq çəkmirsən. Amma millətimizə öz bayrağı altında yaşamaq fürsəti tanıyan bu tarixin ərsəyə gəlməsində əməyi olan hər kəs, o cümlədən Konstitusiya Aktına imza atan millət vəkilləri ən ülvi, ən sayğılı sözləri haqq edirlər. Mən öz milli bayrağı olmadan vətənimizin Güneyində 35 milyonluq soydaşımın yaşadıqlarının ətrafımızdakı hər kəsdən gaha çox və daha əyani şahidiyəm. Öz iqtisadi sərvətlərindən , intelektual imkanlarından istifadə fürsəti olmayan, ana dilində təhsil haqqından məhrum edilən, milli kimliyinin təhrif olunduğu bir toplum üçün istiqlal anlamından şirin nəsə ola bilərmi? Bu gün yaşadıqlarımız, üzləşdiyimiz problemlər nə olursa olsun 25 il öncə Vətənin quzeyində biz o nemətə -İSTİQLALA qovuşduq.

Bəlkə 90-cı illərin əvvəllərini yaşamış və milli demokratik mübarizənin eyforiyasından uzun illər məst qalmış gənclik üçün o vaxtlar 25 il sonra yaşanılacaq mövcud mənzərəni təsvir etsəydik qeyri-ciddilikdə ittiham edilərdik. Amma 1989-cu ildə Sovetlər məkanında ilin ən mübariz xalqı seçilən və Qırmızı Ordunun tankları önündən çəkilməyərək Dövlət Müstəqilliyinə qovuşanadək dirənən bir millətin qazandığı zəfərlər məhz o dönəm gəncliyinin gözləri önündə itirilə itirilə davam etdi. Qarabağda işğal edilən torpaqlarımız, 1994-cü ilin 20 sentyabrında imzalanarkən böyük ümidlər bəslədiyimiz , lakin gözümüzün önündə talan edilən təbii sərvətimiz, 1995-ci ildə Ana Yasamızda qəsb edilən dilimiz və soyumuz, 2003-cü ildə itirdiyimiz demokratiya ümidlərimiz, nəhayət bu gün yağmalanmaqda olan cumhuriyyət dəyərlərimiz.. Başımızın üstündə hər zaman uğrunda canımızı verməyə hazır olduğumuz bayrağımız dalğalanarkən belə itirməkdə davam edirik.

Bəzən təsəlli kimi ölkəmizin ictimai siyasi ab havasının qonşu İrandan ,ya Orta Asiya Respublikalarından daha yumşaq olmasını da düşünürük. Halbuki o günlər pöhrələnən diləklərimiz başqa idi. Aşırı deyildi, amma gerçəyə dayanırdı, proseslərə adekvat idi. Millətimizi rifahda, siyasi sistemimizi hüquqa dayanan, demokratik, azad və milli dəyərlərə sahib çıxan dövlət şəklində görürdük. Sonucda, 15 müttəqif respublika sıtasında "Pribaltika" ola bilmədik, amma qonşu Gürcüstan ola bilərdik. Bu sətirlər yazılarkən tarix oktyabrın 16-nı göstərir. Bir millətin azad seçim və demokratiyaya olan ümidlərinin növbəti dəfə puça çıxarıldığı tarixdən keçən 13 il.. Məhz o tarixdə beynəlxalq aləmin də biganəliklə izlədiyi bir şəraitdə demokratik cəmiyyət ideallarımız sonuncu ən ağır zərbəsini aldı. Artıq 13 ildir ki, bu toplumun müqavimət ruhu, azadlıq istəyi tam bir "reanimasiya" dönəmi keçirir. Ancaq ümid edirəm bu üzücü və yorucu dönəm monarxiyalı Azərbaycanın təsbit olunması ilə sonuclanmasın. Bu ölkə, bu millət rüşvətsiz, qanunun aliliyinin təmin olunduğu, hüquqların şəxslərə görə deyil, bərabərlik prinsipi əsasında təmin olunduğu cəmiyyəti haqq edirsə "sağalmağa" məhkumdur. Sağalmasa nəinki mənəvi böhranın dərinləşməsi qaçılmazdır, üstəlik bir zamanlar iqtisadi inkişaf nağıllarının təsirindən ayılmaq istəyən olan toplum üçün qarşıda daha ağır, daha çətin dönəmin başlanması da istisna deyil. Necə ki, artıq məktəb auditoriyalarımızdan müəllimlərin, xəstələrin başı üstündən həkimlərin, eləcə də mədəniyyət işçilərimizin öz iradələrindən xaric pambıq tarlalarındakı "qul əməyinə" cəlb edilməsilə Sovetlər dönəmindən qalma nəhs, insan faktoruna yönələn fenomenlərin baş qaldırmasının da fərqindəyik. Elə isə biganəlik simdromundan qurtularaq havasını udduğumuz, suyunu içdiyimiz, səmasını bölüşdüyümüz bu vətənin yaşamaqda olan dəyərlərinə sahib çıxmaqda ümidsiz olmayaq. Unutmayaq ki, ümid sonda ölür..

P.S. Bu yazı bitərkən tarix artıq oktyabrın 17-sini göstərir. 13 il öncə məhz bu tarixdə Azərbaycanımızın azad və demokratik olması üçün mübarizə aparan aparıcı simalardan olan ,mənsub olduğum Ümid Partiyasının sədri , Qarabağ qazisi İqbal Ağazadə millət vəkili toxunulmazlığından məhrum edilərək həbs edilmişdi. İqbal bəyə bundan sonrakı fəaliyyətində demokratik cəmiyyət uğrunda mübarizəsini daim azadlıqda davam etdirməsini diləyirəm.

Bölməyə aid digər xəbərlər

27 Okt 2016 Cəbhə bölgəsində gərginlik yaranıb

19 Okt 2016 Ermənilər iriçaplı pulemyotlardan da istifadə etməklə atəşkəs rejimini 13 dəfə pozub

16 Okt 2016 “Qorotdel”də əməliyyat müşavirəsi keçirildi

15 Okt 2016 İŞİD-in qərargahı vuruldu - “Fərat qalxanı”

14 Okt 2016 Pakistanın baş nazirinin rəsmi qarşılanma mərasimi olub

12 Okt 2016 Şəki bazarı yandı - Video

10 Okt 2016 Müsavat Partiyasının Məclis üzvü vəfat edib

09 Okt 2016 Türkiyədə daha 6 əsgər şəhid oldu

08 Okt 2016 Gürcüstanda seçkilərin ilk nəticəsi - Mişa uduzdu

07 Okt 2016 Daha bir tanınmış jurnalist həbs edildi

05 Okt 2016 Səxavət Tağlar: “Sağlam mühit üçün məktəb direktorunun şəxsi nümunəsinin rolu böyükdür”

30 Sent 2016 Roma Papasının Gürcüstan və Azərbaycana səfəri başlayır

29 Sent 2016 Azərbaycanlı sahibkar Qazaxıstanda güllələnib

24 Sent 2016 Naxçıvanda avtomobillərin dövlət nömrə nişanları dəyişdirilir

22 Sent 2016 Moskvada 5 nəfər yangınsöndürən ölüb

21 Sent 2016 Lənkəranda avtomobil yanıb

21 Sent 2016 Həbsdə olan jurnalist azadlığa buraxıldı

19 Sent 2016 Azərbaycanda yeni telekanal açıldı - Bu gün efirdə!

18 Sent 2016 Rusiya təyyarəsi Latviya səmasında yaxalandı

16 Sent 2016 Xəzərdə zəlzələ olub

07 Sent 2016 Balakəndə 5 bal gücündə zəlzələ baş verib

31 Avq 2016 Gürcüstanın baş naziri Azərbaycana gəlib

30 Avq 2016 Gürcüstanda 200 nəfərdən çox azərbaycanlı zəhərləndi

21 Avq 2016 ABŞ generalı Rusiyanı hədələdi

18 Avq 2016 Lənkəranskinin nəşi vətənə gətirilir

14 Avq 2016 “Azərbaycan İmperatorluğu Günü” qeyd olundu

11 Avq 2016 Rusiya-Gürcüstan müharibəsindən 8 il keçdi

09 Avq 2016 "VAZ 2106" aşdı, bir ailənin 5 üzvü xəstəxanalıq oldu

09 Avq 2016 Atəşkəs 20 dəfə pozulub

07 Avq 2016 “Range Rover” at arabası ilә toqquşub –ölən var

Xəbər lenti