|
Ağsu rayon sakini Anar Rəsullu sozcu.az saytına yazaraq üzləşdikləri haqsızlıqla bağlı bildirib ki, qardaşı Rəsulov Ramal fiziki və əqli qüsurlu olmasına baxmayaraq, bu günə qədər pensiya hüququnu əldə edə bilmir. Anar Rəsullu problemin həll edilmədiyi təqdirdə xəstəxananın qarşısında intihar edəcəyini bildirib.
Teleqraf.az həmin yazını təqdim edir:
1983-cü il təvəllüdlü qardaşım Rəsulov Ramal Əlifağa oğlu, fiziki və əqli məhdudiyyətli olaraq doğulmuşdur və bütün təbii ehtiyaclarını anasının köməkliyi olmadan edə bilmir. Rayon Mərkəzi Xəstəxanasına, əlillik sənədlərinin hazırlanması ilə bağlı dəfələrlə etdiyimiz müraciətlərə baxmayaraq, xəstəxananın müvafiq bölməsinin məsul həkimi Əli Hüseynov, qardaşıma düşməli olan əlillik dərəcəsini DSMF-nin həkim komissiyasında baxılmasına imkan vermir. Qardaşımın Bakıya aparılmasını, orda bir müddət xəstəxanada yatmasını tələb edir. Qardaşımın "Əsgərliyə hansı səbəbdən aparılmamışdır?" sualını verdikdə isə, susur və məsələyə laqeyd yanaşdığı ortaya çıxır. Anar Rəsulbəyli, süni şəkildə yaradılan bu problemlərin, rüşvətlə bağlı olduğunu qeyd edir və çıxış yolunu, anasını, qardaşını və özünü xəstəxananın qarşısında yandıraraq, intihar etməkdə görür. Həmçinin, həkimlərin bu cür hərəkətlərini Prezidenti aldatmaq olaraq dəyərləndirir.
Mövzu diqqətimizədir!
Qarşı tərəfdə öz fikirlərini bildirə bilər