Gənc fəal Qiyas İbrahimova çıxarılan hökmdə diqqət çəkən və müzakirələrə səbəb olan məqamlardan biri də hakimin ona prokurorun təklif etdiyindən ağır cəza verməsidir.

Hökm oktyabrın 25-də Bakı Ağır Cinayətlər Məhkəməsində hakim Ənvər Seyidovun sədrliyi ilə keçirilən prosesdə çıxarılıb. Qiyas İbrahimov 10 il müddətinə azadlıqdan məhrum edilib. Bundan bir neçə gün qabaq dövlət ittihamçısı Qiyasın 9 il azadlıqdan məhrum olunmasını təklif etmişdi.

Novator.az bildirir ki, “Məhkəmələr və hakimlər haqqında” qanuna görə, hakimlər müstəqildirlər və yalnız Azərbaycan Respublikasının Konstitusiyasına, qanunlarına tabedirlər.

Hakimlərin müstəqilliyi onların səlahiyyətli dövründə siyasətsizləşdirilməsi, dəyişilməzliyi və toxunulmazlığı ilə, vəzifəyə təyin olunmasının, məsuliyyətə cəlb edilməsinin, vəzifədən kənarlaşdırılmasının və səlahiyyətlərinə xitam verilməsinin məhdudlaşdırılması ilə, məhkəmə hakimiyyətinin müstəqil fəaliyyət göstərməsi və ədalət mühakiməsinin qanunda nəzərdə tutulmuş qaydada həyata keçirilməsi ilə, məhkəmə icraatına hər hansı şəxs tərəfindən məhdudiyyət qoyulmasının və müdaxilə edilməsinin yolverilməzliyi ilə, hakimlərin şəxsi təhlükəsizliyinin təmin edilməsi yolu ilə həyata keçirilir və onlara vəzifələrinə uyğun maddi və sosial təminatlar verilir.

“Məhkəmələr və hakimlər haqqında” qanuna görə, məhkəmə qərarları hakimlərin sərbəst daxili inamına və məhkəmə araşdırmasının nəticələrinə əsaslanmalıdır.

Qiyas İbrahimov qanunsuz olaraq külli miqdarda narkotik saxlamaqda təqsirli bilinib. Ancaq müdafiəçiləri bildirirlər ki, Qiyas İbrahimov və digər gənc fəal Bayram Məmmədov (onun məhkəməsi noyabr ayında başlayacaq) siyasi sifarişlə tutulublar. Bildirilir ki, mayın 10-na gecə Bakının mərkəzində Heydər Əliyevin abidəsinin üzərində etiraz şüarları yazılıb və gənclərin həbsi də bununla bağlıdır.

“Azadlıq” radiosunun internet səhifəsində hakimin Qiyas İbrahimova prokurorun istədiyindən ağır cəza verməsi məsələsi ilə bağlı hüquqşünaslar Ənnağı Hacıbəyli, Müzəffər Baxış, İntiqam Əliyev və Əlayif Həsənovun rəyləri dərc olunub.

Ənnağı Hacıbəyli: “Bu, çox nadir hadisədir. Hakim adətən prokurorun istədiyi müddətdən 1-2 il az cəza verir. Hətta bəzən prokuror 5 il cəza tələb edir, hakim isə bəraət verir. Oktyabrın 25-də Bakı Ağır Cinayətlər Məhkəməsində hakimin Qiyas İbrahimova prokurorun istədiyindən artıq cəza verməsi işin siyasi sifariş olmasına dəlalət edir. Burda hüquqi məna axtarmaq mənasızdır.

Qiyas İbrahimovu heykələ “Qul bayramınız mübarək” yazdığına görə həbs etdilər. Vəssalam. Deməli, Heydər Əliyevin heykəli qarşısında ancaq baş əymək olar. Belə absurd hökmün səbəbi də budur”.

Müzəffər Baxış: “Burada qanun pozuntusu yoxdur, Cinayət Məcəlləsinə görə, prokuror cəzanın təyin edilməsi barədə sadəcə təklifini söyləyir. Məhkəmə bu təkliflə razılaşa da bilər, razılaşmaya da. Məhkəmə cəzanın sanksiyasından artıq cəza versəydi, o zaman qanun pozuntusu olardı.

Ancaq Azərbaycanda müstəqil məhkəmə hakimiyyəti olmadığına, bütün məhkəmələr prokurorluqdan asılı olduğuna və cəza siyasətini sifariş əsasında prokuror müəyyənləşdirdiyinə görə hakimlər adətən dövlət ittihamçısının təklif etdiyi cəzadan kənara çıxmırlar. Hakimin təqsirləndirilən şəxsə prokurorun təklif etdiyi cəzadan daha artıq iş verməsi isə nadir hallarda olur. Belə hallar barmaqla sayıla bilər.

Qiyas İbrahimovun işi siyasi çalarlı olduğundan, ola bilsin, hakim özünü “yandırmaq” istəməyib, prokurordan daha artıq cəza verib”.

İntiqam Əliyev: “Prokurorun 9 il cəza istəməsi müqabilində məhkəmənin Qiyas İbrahimova 10 il həbs kəsməsi dəhşətli bir hadisədir. Uzun illərdir Azərbaycan məhkəmələrində törədilən özbaşınalığın, haqsızlığın, ədalətsizliyin, allahsızlığın az şahidi olmamışıq. Ona görə düşünürsən ki, səni təəccübləndirəcək elə bir şey ola bilməz. Amma bəzən elə hadisələr baş verir ki, təəccübə qarşı güclü immuniteti olan bizləri də dəhşətə gətirir. Ölkənin dəyərli övladı Qiyasa qarşı edilən nə qanunlara, nə beynəlxalq hüquqa, nə ədalətə, nə hakim əxlaqına uyğundur. Buna nə ad vermək olar? Heykələmi yarınırlar? Hakimiyyətə sədaqətlərinimi sübut etməyə çalışırlar? Nə gərək var buna? Bunu ki ölkədə bilməyən kimsə yox. Baş verən dəhşətli şeydir. Amma yenə də nəyə təəccüblənirik ki?! MTN qoçularına minnətdarlıq yazan məhkəmədən nə desən gözləmək olar”.

Əlayif Həsənov: “Tam özbaşınalıqdır. Məhkəmənin buna hüququ yoxdur. Qanunda konkret qadağa olmasa da, məhkəmə ədalət mühakiməsi rolu oynayaraq ittihamçının tələb etdiyi cəzadan artıq cəza təyin edə bilməz. Burda məhkəmə sadəcə Roma papasından artıq katolik rolunu oynayıb”.

Bölməyə aid digər xəbərlər

16 Sent 2020 Türkiyə AB-yə boğazları bağlamaqla cavab verə bilər

07 Sent 2020 Əsgərə məktub – Rəhim bəy Qazi Tofiq Yaqublu oğluna

03 Sent 2020 Ermənistan yenə də riyakarlıqla məşğuldur – XİN

02 Sent 2020 Talış kəndindəki erməni evləri və dəyirman yandırıldı…

01 Avq 2020 Nazir polkovniklərin yerlərini dəyişdi – ƏMR

01 Avq 2020 “Tri koronı”nın yaxınlığındakı göllə bağlı daha bir AÇIQLAMA

04 Apr 2020 “Eheeey karonavirus”, – deyə bilən dövlət başçısı axtarıram

04 Apr 2020 “Koronavirusla mübarizə aparanlar vəfat etsə, onlar şəhiddirlər”

01 Mart 2020 Samuxda Qarabağ qazisinin acınacaqlı durumu – Alı Qocayevin başı sərvət toplamağa qarışıb

23 May 2018 ABŞ İraq şiələrinin liderini ələ aldı – Gizli təmas

23 May 2018 İran Qərbi parçaladı: Berlin Vaşinqtona qarşı...

19 Fev 2018 Ağsuda bir ailə intihar edəcək

06 Fev 2018 Pentaqon iki variantdan birini SEÇDİ – ABŞ-Türkiyə MÜHARİBƏSİ YAXINLAŞIR

05 Fev 2018 Əhalinin diqqətinə: Azərbaycanda hansı virusun yayıldığı məlum oldu

05 Fev 2018 YAP-ın qurultayının vaxtı məlum oldu –Prezidentliyə namizəd elan ediləcək

05 Fev 2018 MSK yeni iclas təyin etdi –Növbədənkənar prezident seçkiləri ilə bağlı qərar verəcək

05 Fev 2018 ADP İdarə Heyəti toplandı –Növbədənkənar seçki ilə bağlı hakimiyyətə çağırış edildi

18 Okt 2017 Ermənilər mövqelərimizi atəşə tutdu

18 Okt 2017 Sərkisyan Cenevrə görüşünə məcburi şəkildə aparılıb?

27 Okt 2016 Rusiya Rakkaya ABŞ-dan əvvəl girmək istəyir

18 Okt 2016 Müstəqilliyimizin əleyhinə səs verənlər bunlardır -SİYAHI

17 Okt 2016 Son 100 ilin ən soyuq qışı gəlir

17 Okt 2016 18 oktyabr aktından seçmələr

15 Okt 2016 Dabık əməliyyatı başladı – Türkiyənin dəstəklədiyi müxaliflər hücuma keçdi

15 Okt 2016 Bayden: “Rusiyanın cavabı veriləcək”

12 Okt 2016 “Bu ilki pambıq kampaniyası bir neçə yüz milyon ziyana səbəb olacaq”

10 Okt 2016 ABŞ nəhayət etiraf etdi: "Türkiyəni orada istəmirik"

10 Okt 2016 Erməni yazar: “Mənim əvəzimdən Xocalı qurbanlarının abidəsinə gül dəstəsi qoyun”

10 Okt 2016 Mirmahmud Mirəlioğlu: “Hakimiyyət Qarabağ referendumuna hazırlaşır”

04 Okt 2016 ANS-in fəaliyyəti bərpa olunur

Xəbər lenti